3GP

Ibat king Wikipedia

Ing 3GP metung yang multimedia container format a tutulduan ning Third Generation Partnership Project (3GPP) a magamit kareng cellphone a 3G.

3GP
File extension .3gp .3g2
MIME type video/3gpp audio/3gpp
Type of format media container

Detalleng teknikal[mag-edit | alilan ya ing pikuwanan]

Metung yang simpling bersion ning MPEG-4 Part 14 (MP4) container format ing 3GP. Melalang ya bang mabawas ing pamangailangan king espasiung pisimpanan (storage requirement) ampong bandwidth, ba lang mipagiu kareng cellphone deng simpan. Manyimpan yang video stream anti king MPEG-4 Part 2, H.263 o MPEG-4 Part 10 (AVC/H.264), ampo kareng audio stream anti king AMR-NB, AMR-WB, AMR-WB+, AAC-LC o HE-AAC. Pane yang big-endian ing metung a simpan a 3GP - una nong sisimpan ampong yalis deng pekamaulagang byte. Atin ya muring impormasiun tungkul king dagul da reng larawan/imahen ampong bitrate. Adua la reng standard para king format a iti:

  • 3GPP (para kareng GSM-based a cellphone, at maki filename extension a .3gp)
  • 3GPP2 (para kareng CDMA-based a cellphone, a maki filename extension a .3g2)

Pareu lang makabasi king MPEG-4 ampong H.263 video, at AAC o AMR audio.

Nung iyalis la reti king computer, maliari lang alben deng pelikulang 3GP kareng platform a Linux, Mac, and Windows a gagamitan la reng program anti ing VLC media player, RealPlayer, QuickTime, GOM Player ampong Media Player Classic.

Deng hardware a gagamit kaniti[mag-edit | alilan ya ing pikuwanan]

  • Agiu rang paganan deng 3G capable a cellphone ing playback ampong pamag-record ning video king 3GP format (miyayaliwa ing angganan ning memory, maximum filesize para playback ampong recording, ampong angganan ning resolution).
  • Agiu da murin deng bayu o masanting a klasing cellphone a yalang kagiwan a 3G ing pamag-playback ampong pamag-record king format a iti (oneng maki limitasiun)
  • King iMovie '08, maliari yang i-save anting simpan a .3gp ing metung a pelikulang milual (exported) kapamilatan ning "Tiny" setting. Maliari yang patigtig iti king Mac, iPhone (at sanumang handset a makapag-load ampong play king file), iPod touch o gagamit king Mac Web Gallery service ning Apple.
  • Maliaring kopian ing audio a me-import ibat king CD papunta king PlayStation 3 kareng USB device king 3GP format.

Suglung palual[mag-edit | alilan ya ing pikuwanan]