Bkerke

Ibat king Wikipedia

Ing Bkerke (Arabic: بكركي malyari muring Bkerké or Bkerkeh) ing sentru ning Maronite Catholic Patriarchate, a maki katas a 650 m king babo ning bay of Jounieh king Lebanon.

Anyang purmeru, atyu king Antioch ing sentru ning Maronite Catholic Patriarchate, oneng uling king pamanalipit (persecution), miyalis ya ini king Saint Maron's Monastery king Ilug Orontes, at kaybat, kareng miyayaliwang lugal king Bunduk ning Lebanon (Mount Lebanon), antimo ding Kfarhay, Yanouh, Mayphouk, Lehfed, Habeel, Kfifan, Al Kafr, ampong Hardeen king labuad ning Byblos. Kaybat, miyalis ya king Qannoubine king Lambak ning Kadisha (Kadisha Valley) uli ning lalung mabayat a pamanalipit, at meluat ya karin manibat anyang 1440 anggang 1823, nung kapilan miyalis ya king Dimane, at katataulian king Bkerke.[1] Ngeni, gagamitan de reng Patriarkang Maronite ing Dimane antimong tuknangan a pangkaleldo (summer residence), at ing Bkerke antimong tuknangang pangkarimla (winter residence).[2]

Pikuanan[mag-edit | alilan ya ing pikuwanan]

  1. http://www.mari.org/JMS/october98/The_Maronite_Patriarchate.htm
  2. http://phoenicia.org/maronites.html

Suglung palual[mag-edit | alilan ya ing pikuwanan]