Chyah

Ing Chiyah (king Arabu الشياح a yagkas dang Ach-Chayyah) atiu king dake nang albugan ning Beirut, ing tungku o capitoliu ning Lebanon.

King kasalesayan, metung yang balen a Cristianu, dapot king lambatan atin muring menuknangan a Muslim a Shia. Aniang kapanaunan a Ottoman, panibalan ne ning familiang Arslan, at kaibat, Shihab dynasty.

Atiu king mauli-albugan nang karulun (suburbs) ning tungku ning Beirut ing Chiyah, at padurutan ne ning Haret-Hreik, Ghobeiry, Hadath, Hazmieh, Furn-el-chebbak ampong Ain El Remanneh. Bayu ing 1956, mas maragul ing kayang sakup, kayabe no reng ngeni distritu ning Karm el Zeitoun, Hayy el Knissé, Bir Abed ampong Haret el Mjadlé, ampo ring Jnah, Ghobeiry, Furn-el-chebbak, Bir Hassan, ampong Ain El Remanneh.

Sadia, mitatakpan yang pitatamnan citrus a miraras king dayatmalat a Medeterraneo ing lakanbalen. Ngeni, kayabe ne kareng misnang dagul a karulun ning Beirut, at maki 60,000 memalen.