Gil Puyat
 | |
1967–1972 | |
1951–1972 | |
| Partidu Pulitical: | Partidu Nacionalista |
|---|---|
| Kebaitan: | Septiembri 1, 1907 |
| Kematian: | Marzu 23, 1980 |
- Para king istasiun tren, lon ya ing Gil Puyat LRT Station.
I Gil J. Puyat (Setiembri 1, 1907 - Marzu 23, 1980) metung yang negosianti ampong puliticung Filipinu ampong Kapampangan a migsilbing Senador ning Filipinas manibat 1951, ampong Pamuntuk ning Senadu manibat 1967 anggang 1972.
Meging Senador at Pamuntuk ning Senadu ning Bansang Pilipinas. Metung ya naman talaturu at dakal ya inampang king parang ning pamipagaral. Matagumpe yang "industrialist", menalakad pipagauan gamit lalu na karing mueblis bale "furniture". Mibayit ya Guagua. Igpa ne i Don Gonzalo Puyat.
Pamagaral
Uling meragul ya king negosiu, e makapagtakang carera king comerciu ing kinua nang Puyat king colehiu. Comerciu ing megi nang kursu king Universidad ning Filipinas, nung nu ya ing pekamatas king kayang clasi. Aniang magaral ya pa, makatutuk ne kareng mangalalam nang detalle ning pisalapian (finance) ampong gastus (expense), puhunan ampong produksiun, pamanibala ampong pamanalan kareng talapagobra.
Umpisa ning carera
Megi yang kayanib ning Rotary Club ning Menila aniang panaun a megi ya namang propesor ning economics king Universidad ning Filipinas.
Miras king pansin nang Presidenti Manuel L. Quezon ing pangataniag nang Gil Puyat king negosiu ampong kabiasnan king pamanibala king negosiu ning pamilia. Aniang panaun a ita, king agricultura o pamanasik ing makababong actibidad king bangsa, at buri nang isulung ning Pamuntuk ing industrialisasiun. Pinili neng decanu i Puyat king Colegiu ning Pamanibalang Kalakal (College of Business Administration) ning Universidad ning Filipinas aniang edad ya pamung 33. Megi yang anak diling decanu ning UP king edad a iti. Metung yang actibung kayanib kareng internasiunal a aguman king kalakal, at mekilala ya king negosiu kareng aliwang bangsa. Inalal neng "Business Leader of the Year" (Pekapun pangkalakal ning banua) aniang 1948 ning Business Writers’ Association of the Philippines, at binotu na ne mang "Civic Leader of the Year" (Pekapun a civicu ning banua) ning Association of Red Feather Agencies aniang 1949.
Kanitang 1953, mekatanggap yang plaque king Community Chest of Greater Manila para king “outstanding services as one of the founders, first president and first campaign fund chairman“ ning aguman. Dininan neng galal ning Philippine Institute of Public Opinion (PIPO) para king pamagpaltong pambansang pamanibala king kalakal, economics, larangan a civicu ampong pampulitica, ampong makabukud a pamaniuyu kareng kayanakan. Alang patna ing pamagsilbi nang Puyat kareng miayaliwa pang aguman, nung nu meyakit ing kayang pamipasulung king obrang civicu ampong pamaniayup king balen.
Carera king pulitica
Aniang alalan ning 1951, mialal yang Senador, at migsilbi ya king Senadu ning Filipinas anggang misara ya iti uli ning leyi militar kanitang 1972. Ya ing Pamuntuk ning Senadu manibat kanitang 1967.
King pamagsilbi na king lehislatura, megi yang pikabaluan i Puyat uling kareng kayang kapanumanan (reporma) ampong pamagbayu dikil king pamangamit kareng pondu king obrang pangmalda.
Asawa ne ing sadiang Eugenia Guidote. Pitu la reng karelang anak.
Mete ya i Puyat aniang Marzu 23, 1980.
Suglung palual ampong pikuanan
| Minuna kaya {{{before}}} |
{{{title}}} 1967-1972 |
Menalili kaya {{{after}}} |
Pamuntuk ning Senadu ning Filipinas |
|---|
| Quezon • Roxas • Avelino • Cuenco • Paredes • Osías • Rodriguez • Osías • Zulueta • Rodriguez • Marcos • Tolentino • Puyat • Salonga • Gonzales • Angara • Gonzales • Maceda • Gonzales • Fernan • Ople • Drilon • Pimentel • Drilon • Villar |