Kolehiyong Dominikano ning Tarlac
| Kolehiyong Dominikano ning Tarlac | |
| Mitátag | 1946 |
|---|---|
| Uri | Public |
| Lugal | Capas, Tarlac, Filipinas |
Ing Dominican College of Tarlac metung yang Katolikong eskwelang tetag nang Padre Mariano Sablay anyang 1947 king Capas, Tarlac, Filipinas.
Mitátag ya antimong San Nicolas Academy, a maki 35 (atlung pulu't limang) magaral. Ngeni, king lalam ning lagyung Dominican College of Tarlac (DCT), atin neng maygit 2000 (adwang libung) magaral, at maygit king 100 (dinalan) a empleadu.
I Santo Domingo, ing talatátag ning Order of Preachers(O.P.), ing patron ning DCT.
Amlat
Mitátag ya ing San Nicolas Academy anyang Febrero 14, 1947. Atlung pulu't lima (35) la reng magaral a migpalista para kareng klasi para king mumuna ampong kadwang banwa (first and second year classes), a megawa king kumbintu ning lumang parokya. Merapat ing mumunang pangayari o graduation anyang 1950, nung kapilan labi lang apat deng meyari. Anyang 1960, deng Madreng Dominican ing tinalan kng pamanibala ning akademya, at i Sr. Rosalina Mirabueno, O.P., ing Principal.
Anyang 1967, miyalilan ya king Dominican College ing lagyu ning pipagaralan, pamamye galang kang Santo Domingo.
March 1973 saw the last commencement exercises under the Religious Missionaries of St. Dominic. From then on, Daughters of St. Dominic took over the reigns of the school with Bishop Jesus J. Sison at the helm. Anyang Marzo 1973, milyari ing tawling pangayari king lalam da reng Religious Missionaries of St. Dominic. Manibat kanita, deng Daughters of St. Dominic ing tinalan king eskwela, king lalam nang Obispo Jesus J. Sison.
Kanitang 1980, migpasya ya ing Principal Sr. Carmen Tiamzon, O.P. a lalu yang makapagsilbi king komunidad ning Capas ing eskwela kapamilatan ning pamiyampang kursung bukud king elementarya ampong sekundaryo. Ing migumpisa antimong kursu king pamagmakinilya o pamag-type, meging maleparan, at sinaklo king Associate in Computer Secretarial (ACS), Bachelor of Arts (AB), Bachelor of Elementary Education (BEEd), and Bachelor of Secondary Education (BSEd). Mirinan lang pamangilala ning kapamahalan deng mebanggit a kursu anyang 1985, 1997 ampong 1999.
Anyang 2005, mirinan yang kapaintulutan ing DCT bang miyampang aliwang kursu antimon reng Hotel and Restaurant Management, Practical Nursing ampong Contact Center Training Course. Kaybat ning pabanwa, miragdag ya ing Bartending (200 oras) ampo ing Housekeeping (400 oras), at anyang Marzo 19, 2007, miyabe ya ing kursung Finishing Course for Call Center Agents (100 oras). Taglus-taglus ing pamandagdag ning DCT kareng yampang nang kursu ampong programa.
Kapatad a Pipagaralan
University of Santo Tomas, España, Manila
Aquinas University, Legaspi City, Albay
Holy Trinity University, Puerto Princesa City, Palawan
Colegio de San Juan de Letran, Intramuros, Manila
Colegio de San Juan de Letran- Calamba, Calamba, Laguna
Colegio de San Juan de Letran- Bataan, Abucay, Bataan
Siena College, Quezon City, Metro Manila
Siena College, Taytay, Taytay Rizal
Angelicum College, Quezon City, Metro Manila
Angelicum School Iloilo, Iloilo City, Iloilo
Dominican College, San Juan City, Metro Manila
Dominican College, Santa Rosa City, Laguna
Saint Catherine's College, Carcar City, Cebu
Siena School of Naga, Naga City, Cebu
Holy Rosary School of Pardo, Pardo, Cebu City, Cebu
San Pedro College, Davao City
Sta. Catalina College of Legarda, Sampaloc, Manila
Camiling Catholic School, Camiling, Tarlac