Librung Malutu (Jung)

Ibat king Wikipedia
Librung Malutu (Red Book)
SinulatCarl Gustav Jung
Orihinal a pamagatLiber Novus ("Ing Bayung Libru")
TalapaglikasMark Kyburz, John Peck, Sonu Shamdasani
TalabulalagPhilemon Series & W.W. Norton & Co.
Petsa ning pangabulalag2009
Bulung205
ISBN978-0-393-06567-1

Ing Librung Malutu o Red Book, a balu ra murin king lagiung Liber Novus ("Ing Bayung Libru"), metung yang manuscritong 205 bulung a sinulat na ampong dininan larawan ning psiquiatra o psychiatrist a Suizong i Carl Gustav Jung aniang pilatan ning 1914 ampong 1930, a e milimbag o mipakit man king malda angga aniang 2009. Anggang 2001, e ra pepaintulutan deng talapagmana a akit de reng matenakan (scholars) ing libru, a sinulat nang Jung kaibat ning kayang e pamikasundu kang Sigmund Freud aniang 1913.

Pamibulalag ampong pamagpakit

Anggang 2001, e ra pepaintulutan deng talapagmana nang Jung a ibulalag ya ing libru, at e ro man dininan paintulut deng matenakan a asuri de.[1] Lelangan de ri Sonu Shamdasani, metung a matenakan king amlat (historian) ampong empeadu da reng talapagmana nang Jung, at karelang talausuk dikil kareng kasulatan nang Jung a e pa mibulalag, ampo i Stephen Martin, metung a talasuri kareng bageng tungkul kang Jung, ing Katatagan Philemon (Philemon Foundation), bang sumaup king pamibulalag da reng obra nang Jung. Mebisa ya i Ulrich Hoerni, apú nang Jung ampong talapanibala da reng simpanan (archive) a Jung, a ibulalag ya kaibat ning atlung banuang pamangumbinsi nang Shamdasani.[2] Magsadia yang edision ning Red Book king orihinal a Aleman ampong likas a Ingles ing W. W. Norton & Company ampong maleparan a pamag-footnote. Aniang 2007, ini-scan ne ning DigitalFusion king sukad a metung a kapulu ning milimetru balang besis king metung a 10,200-pixel scanner.[2] Ibulalag ya keng Octubre 2009.

Ipalto ne ning Rubin Museum of Art king New York Lakanbalen ing orihinal a libru ampo reng orihinal a mangalati nang journal Jung manibat Octubre 7, 2009, anggang Enero 25, 2010.[3]

Lon la murin

Dalerayan

  1. Bair, Deirdre (2003). Jung: A Biography. ISBN 0-316-07665-1. 
  2. 2.0 2.1 Corbett, Sara (September 16, 2009). "The Holy Grail of the Unconscious", The New York Times. Retrieved on 2009-09-20. 
  3. Cite error: Invalid <ref> tag; no text was provided for refs named Rubin

Bibliography

Suglung palual