Miriam College

Ibat king Wikipedia
Miriam College
Motto Veritas (Katutwan)
Tagline Forming Women Leaders in Service (Pamagsane king Pamanyuyu kareng Bábaing Mamuntukan)
Mitátag 1926
Uri Pribado
Pamuntuk Dr. Rosario Oreta Lapus
Lugal Quezon Lakanbalen, Keragulang Manila, Filipinas
Teleponu (+632) 580-5400 anggang 29
Campus Loyola Heights
Mascot Maria Katipunera
Website/Karinan-Aptas www.mc.edu.ph


Ing Miriam College metung yang pipagaralan a alang stock at e magtubung a Filipino ampong Katoliko para kareng bábai king Quezon Lakanbalen, Filipinas. Miyayampang yang programang akademiko manibat pre-elementarya anggang postgradwadu ampong pamanuru da reng atsu na king edad para king pamanalkus (development) ning kabyasnan ampong kagiwan da reng magaral, a miririnan leparan ampong lalam kareng pamisuglung a pambangsa, pangrehiyon ampong internasyonal. Manimuna yang pipagaralang pambabai, dapot deng kayang programang pre-elementarya, pamanuru kareng atsu edad, gradwadu ampong pamanigaral da reng maklak tatanggap lang magaral a lálaki.

Amlat

Migumpisa ya ing Miriam College kanitang 1926, anyang mekisabi ya ing Arzobispo ning Menila kareng madre ning Maryknoll Congregation a makabasi king New York, USA a mitalakad lang escuela nung la malyaring iturung mag-mestra deng kayanakan a Filipinang Catolicu. Anyang mumuna, ginamit de ing sadyang cumbintung Agustino king Malabon, Rizal, at meyaus ya iting Malabon Normal School. Makatapilan ya minalis iti anggang 1952. Anyang banwang ita, miyalilan ya lagyu king Maryknoll College, at megi neng permanenting lugal ing Diliman, Quezon Lakanbalen.

Meragul ing yampang ning Maryknoll College, manibat king pamanurung mestra paras king metung a colegiu ning liberal arts.[citation needed] Kaybat ning Vatican II, migdicisiun ya ing congregaciun a Maryknoll a ibugnus ing karelang obra king dapát a pangmisionariu king mabilug a yatu. Anyang 1977, miyalis ing pamibandi na ampong pamanibala ning pipagaralan paras kareng talapanibalang laico (e pari o madre). Agpang king pamikasundu, miyalilan ya lagyu ing escuela king Miriam College anyang 1989.

Pasilidad ning campus

Kayabe la kareng pasilidad king campus ding Bahay Silungan, metung a dormitoriu para kareng talapagaral ibat kareng aliwang bansa a saguli mu, ing Gallery of Women's Art a maki obrang donasiun da reng bábaing talatuki ning alit o artist, ing Little Theatre a para kareng miyayaliwang palage king escuela, ing Mini-Forest Park, kapilya ampong day care center.

Kilalang miyari

Pikwanan

Dalerayan

Suglung palwal

Metung yang stub ining articulu tungkul king Asia. Malyari meng saupan ing Wikipedia kapamilatan ning pamandagdag kaniti.