Salman Rushdie

Ibat king Wikipedia
Salman Rushdie

I Rushdie king 2012 Tribeca Film Festival Vanity Fair party
Obra Talasulat
Katutubu Kashmiri Indian[1][2]
Citizenship British
Pipagaralan King's College, Cambridge
Genre
Paksa
Asawa
Ának 2 sons
Pirma File:Salman Rushdie sign.jpg

I Sir Ahmed Salman Rushdie (Kashmiri: अहमद सलमान रुशदी (Devanagari), احمد سلمان رشدی (Nastaʿlīq); play /sælˈmɑːn ˈrʊʃdi/;[3] mibait 19 Junio 1947) metung yang British Indian a nobelista ampong talasulat salese o sanese (essayist). Sinambut yang Booker Prize anyang 1981 ing kadwa nang nobela, ing Midnight's Children (1981). Tungkul king Indian subcontinent ing keraklan king sinulat nang piksyon. Sasabyan dang piyayabe na ing magical realism ampo ing pangkasalesayan a piksyon; makapatungkul ing kayang obra kareng dakal a pamituglung-tuglung, kaguluan, ampong pamanalis o pamaglipat pilatan ning Aslagan ampo ning Albugan.

Megi yang sentru ning kontrobersya ing kapat nang nobela, ing The Satanic Verses (1988), a memupul protesta ibat kareng Muslim kareng mapilang bangsa, kayabe no deng bayolenting reaksyon. Mika bala o kapiadyan laban king kayang bye, kayabe ya ing fatwāng pepalwal nang Ayatollah Ruhollah Khomeini, ing Kakataskatasan a Pekapun ning Iran (Supreme Leader of Iran), anyang 14 Febrero 1989.

Mituldu yang Commandeur de l'Ordre des Arts et des Lettres king Pransiya i Rushdie anyang Enero 1999.[4] Kanitang Junio 2007, gewa neng kabalyerung (knighted) Reina Elizabeth II i Rushdie uling king kayang kasuyuan o serbisyu king malagung panyulat o literatura.[5] Anyang 2008, binili ne ning The Times king kalabing atlu (13th) king kayang listaan da reng limampulung mapyang diling Briton manibat anyang 1945.[6]

Manibat kanitang 2000, king Estados Unidos ne makatuknang i Rushdie, at magobra ya king Emory University; miyalal yang miabe king American Academy of Arts and Letters. Ing pekabayu nang libru ya pin ing Joseph Anton: A Memoir, a tungkul king kayang bye manibat anyang kontrobersya tungkul king The Satanic Verses.

Notes[mag-edit | alilan ya ing pikuwanan]


Dalerayan[mag-edit | alilan ya ing pikuwanan]

  1. Shalimar the Clown by Salman Rushdie. The Independent. Retrieved on 2010-12-02. “Salman Rushdie the Kashmiri writes from the heart as he describes this dark incandescence.” 
  2. Cristina Emanuela Dascalu (2007) Imaginary homelands of writers in exile: Salman Rushdie, Bharati Mukherjee, and V.S. Naipaul p.131
  3. Pointon, Graham (ed.): BBC Pronouncing Dictionary of British Names, 2nd edition. Oxford Paperbacks, 1990.
  4. "Rushdie to Receive Top Literary Award", Chicago Tribune, 7 January 1999. Retrieved 26 March 2012.
  5. "Birthday Honours List—United Kingdom", London Gazette, Issue 58358, Supplement No. 1, 16 June 2007. Retrieved 26 March 2012.
  6. "The 50 Greatest British Writers Since 1945". The Times, 5 January 2008. Retrieved 1 January 2010. Subscription required.

Suglung palwal[mag-edit | alilan ya ing pikuwanan]

Ing Wikiquote atin yang coleccion da reng sinabi nang o mesabi tungkul kang/king:
Ing Wikimedia Commons atin yang mediang maki kaugnayan kang/king:

Template:Rushdie Template:Man Booker Prize Winners Template:Austrian State Prize for European Literature