William Hawi

Ibat king Wikipedia
William Amine Hawi
William Hawi


Sadiang pekapun ning Kataeb Security Council
Menalili kayá Bashir Gemayel

Kebaitan Septiembri 5 1908(1908-09-05)
Kematian Juliu 13 1976 (maki edad a 67)
Politika partidu Kataeb Social Democratic Party a.k.a. Phalangist party

William Amine Hawi (misusulat muring: William Haoui), — (Setiembre 5, 1908Julio 13, 1976), (وليم أمين حاوي‎) Mikiabe ya i William Hawi king Partido Kataeb ((الكتائب اللبنانية‎) a mas kilala king Ingles antimong Phalangist party organization, metung a maka-wanan (right wing) a partido king Lebanon, aniang 1937.

Mituldu yang Pekapun (Head) da reng Kadua ampong Kapat a Distritu, Pamuntuk (President) ning Recruitment Bureau, Pekapun nign Departamentu ning Seguridad ampong Movilizacion aniang Mayo May 29, 1952, ampong kayanib ning Buro Political aniang Julio July 12, 1952. Aniang Junio 16, 1958, ya ing manibala king pamag-organisa ampong pamanalan kareng activista kareng kapaliarian king Lebanon; ini ing centru da reng Regulatory Forces ning Partido. Kanitang Enero 23, 1961, leko ne ning Buro Political ing sadiang aguman da reng militanti, kayabe no reng kayanib king Partido Phalange, at lelangan neng Hawi ing Regulatory Forces. Kanitang Febrero 6, 1961, mituldu yang Pekapun da reng mesabing Fuerza i William Hawi. Aniang 1963, melalang ya ing unit a “First Commandos”, at tikian ne ning “Second Commandos” unit, at kaibat ning “P.G.” troop. Melalang ne man aniang 1973 ing "Maghaweer" platoon, at mitátag ya ing “Combat School”. Karagdagan kaniti, penibalan nang “Chef” William ing pamanikdo kareng campu, ampo ing pamanibala ampong pamanalkus (development) ning pamagsane, a migpasulung king procesu ning regulacion.

Kanitang 1952, linaban ne ning Phalange i William Hawi king Consejo Municipal (Municipal Council) ning Beirut, king labuad ning Achrafieh-Rmeil, nung nukarin ya ing dakal dili ikuang botu. Aniang 1957, mikiabe ya king alalan para king parlamento, oneng mesambut ya.

Aniang 1975, manimuna ya king pamamingua laban king pamaglusub da reng Palestino i Hawi kareng Souk ning Beirut, Karantina, Jisr el Basha, Dekwaneh, Galerie Semaan ampo ing ausan dang "Hotels fight".

Aniang Julio 1, 1976, bilalag da reng tatalan kareng fuerzang aliadong Lebanese ing pangabagsak ning tauling baluarti king Tel el-Zaatar[1] at sinabi rang ing Pamuntuk ning Phalange War Council ing menibala kaniting operacion.

Kanitang Julio 13, 1976, mete ya i William Hawi king libutad ning pamilaban king Tel el-Zaatar[2] a maki balas king kayang kanuan. Kamate na, mituldu yang kayalili na antimong pamuntuk ning Kataeb Military Council, a meging penibatan da ring Lebanese Forces, i Bashir Gemayel.

Karagdagang babasan

William Hawi, Witness and Martyr, by Leila Hawi Zod, Mémoire DEA, Faculty of History, Université Saint Esprit, Kaslik, Lebanon, 2004.

Suglung palual

Ing Wikimedia Commons atin yang mediang maki kaugnayan kang/king: