Mapúa Institute of Technology: Difference between revisions

Ibat king Wikipedia
Content deleted Content added
Tags: Reverted Visual edit
Gulis 57: Gulis 57:
===Intramuros Campus===
===Intramuros Campus===
*'''School of Architecture and Planning, Industrial Design and the Built Environment'''
*'''School of Architecture and Planning, Industrial Design and the Built Environment'''
**Architecture, Industrial Design, Interior Architecture Design, Project Construction Management
**Architecture, [https://giabaogroup.vn Industrial Design], Interior Architecture Design, Project Construction Management
*'''School of Civil Engineering and Environmental and Sanitary Engineering'''
*'''School of Civil Engineering and Environmental and Sanitary Engineering'''
**Civil Engineering, Environmental and Sanitary Engineering
**Civil Engineering, Environmental and Sanitary Engineering

Ing mibayu aniang 10:21, 8 Disyembri 2020

Mapúa Institute of Technology

Motto Mabyasa, Tumuklas, Maglalang (Learn, Discover, Create)
Mitátag 1925
Uri Privadu, alang secta, palakad ne ning Yuchengco Group of Companies
Pamuntuk Dr. Reynaldo B. Vea
Talaturu Manga 800
Magaral king kolehiyo Manga 15,000
Lugal Intramuros, Menila, Filipinas
Campus Intramuros Campus: 17,996.7 m²
Imno Alma Mater Theme
Kule Malutu (cardinal) ampong gintu
Palayo File:Cardinals sm.jpg Mapua Cardinals
Mascot Cardinal
Kaugne NCAA, Intramuros Consortium
Website/Karinan-Aptas www.mapua.edu.ph

Ing Mapúa Institute of Technology (MIT, Mapúa Tech o kabud namu Mapúa) metung yang instituciong privadu at alang secta (nonsectarian) king Intramuros, Menila. Tetag neng Don Tomás Mapúa kanitang 1925. Matas ing paglalawe ra kaniti antimong pikukwanan ingenieru ampong “topnotcher” (manikwang pekamatas a marca) king board examination king ingenieria (engineering). Ing Mapúa ing minunang pipagaralan a pepalyari ketang calendariung academicung maki apat a dake (four-term), lipat ning adwa (o neng kayi, atlu) king Filipinas. Anyang 2006, atin lang kapabalwan king lalam (footnote) a "Malayan Colleges operating under the name of Mapúa Institute of Technology" (Malayan Colleges a palakad lalam ning lagyung of Mapúa Institute of Technology) antimong tanda ning pamipalyari da ring talapanibala ketang pamanaliling lagyu.

Amlat

Ding Milyari Ketang Minuna

Tetag neng Don Tomás Mapúa, a miyari king Cornell University at ing minunang arquitectung Filipinu licenciadu, ing Instituto. Anyang mumuna, deta mung cursung Arquitectura ampong Ingenieria Civil ing yampang ning Instituto kareng talapagaral o estudianting magobra neng aldo at magaral neng bengi. Walu la mung pulu (80) deng magaral, at labi lang adwa deng talaturu kanita, a magclasi ketang gusaling pang-comerciung upahan da king Carriedo, Quiapo, Manila|Quiapo, Menila. Kanitang 1928, mitatag ya ing Mapúa High School, at anyang 1930, mikyabe ya ing Mapúa king National Collegiate Athletic Association antimong Mapua Cardinals.

Kadwang Gerang Pangkabilugan at Kaybat Na Niti

Anyang Kadwang Gerang Pangkabilugan, ginamit deng garrison ing Instituto deng sundalus a Japon anyang sasakupan de ing Menila, at mituknang ing clasi. Denasan ning Instituto ing kasakitan anyang mabilug a panaun ning gera uling mituknang ing pamagpursigi nang isundu ing pamagaral da reng estudianti, at mepilitan yang payaryan lang maranun deng senior. Ketang 1945 lubus ing pangasira ning Instituto ketang panaun ning pangatimawa (libeeration). Kayabe ya king planung pasibayung pamagpasikan ing pamanyali ketang sadyang De Luxe Fashion School king Doroteo Jose, nung nu ya mibili ng departamentung secundaria (high school department) kanitang 1948. Anyang 1951, Mekasali yang kapirasung gabun ing familiang Mapúa king La Corporacion Fransicana, nung nu ya makatikdo ing salukuyan a Intramuros Campus. Mibuklat ya kanitang 1956 ing campus, at miyari ing pamanalakad kareng gusali kanitang 1963. Miyalis la ngan king Intramuros Campus deng eganaganang cursung pang-colegiu king Doroteo Jose Campus ketang 1973. Mete ya i Don Tomás Mapúa ketang December 22, 1965, at minalili ya antimong pamuntuk ing kayang anak, i Don Óscar Mapúa, anggang mete ya kanitang 1998.

Mekilala ya antimong manimunang pipagaralan king ingenieria king bansa ing Instituto king lalam ning pamanibala nang Don Tomás Mapúa ampo ing kayang anak, i Óscar Mapúa. Ketang panaun a ita, banwa-banwa yang manikwa kareng apulung pekamatas at pati adwang pulung pekamatas kareng keraklan kareng board exam king arquitectura ampng ingenieria. Ya murin ing dakal dili mipapasar kareng board exam kareng escuela king arquitectura at detang myayaliwang larangan ning ingenieria.

Ing Kapanibalan a Yuchengco

Ing anak nang Don Óscar Mapúa, i Arquitectu Oscar Mapúa Jr., ing menibala king kayang katungkulan angga kanitang Diciembri 1999, anyang inalis ne ning familia Mapúa ing instituto king Yuchengco Group of Companies (YGC) a tatalnan nang Ambassador Alfonso T. Yuchengco, at i Dr. Reynaldo B. Vea ing mepiling pamuntuk. Kanitang 2002, uling king kakulangan king lugal, mesali ya ing matwang gusaling RCBC king Makati, at iti ing gewa rang Mapúa Makati Campus, nung nu ya miyalis ing School of Information Technology. Mitatag ya ing metung a suli ning School of IT, ing Mapúa IT Center. Miyayampang yang adwang banwang diploma program ing MITC bang manikwang associate degree, a papunta kareng cursung bachelor’s degree (apat a banwa) ning Mapúa king metung a ladderized program. Minalis ya manibat king sistemang semestral papunta king sistemang Quarterm ing Mapúa. Samantala, misara ya ing Mapúa High School, uling mangalugi ya.

Ing Controversiang Malayan

Kanitang w:February 10,2005, pepabalu ning administraciun ing planung alilan ya lagyu king Malayan University ing instituto kayabe king planung itas ya king kabilyan a universidad iti. Nanupata, kabang panayan deng matanggap a universidad, "Malayan Colleges" pamu ing magamit, at manatili ya ing lagyung "Mapúa Institute of Technology" kareng Colegiu ning Ingenieria, Arquitectura ampong IT. E meging katanggap-tanggap kareng magaral ampong alumni iting kapasyan a iti. Mitipun la king kilwal ning campus king Dalang Muralla king Intramuros deng talapagaral a makasulud matuling a kamiseta antimong protesta kaniting planu ning administraciun, ampo ing karelang e pamangunsulta o pamanyad pamalak kareng talapagaral. Mibansagan yang protestang "Black Valentine" king amlat ning Mapúa iting milyari. Lipat ning pangimut da reng talapagaral, talaturu ampong alumni laban king kapasyan, tengwanan ne ning Board of Trustees ampo ing CHED ing pamanaliling lagyu, a papalyari da king malapit a paytungulan.

Deng bayung milyari

Biklat ne ning Mapúa ing San Lorenzo Ruiz School of Health Sciences at miyampang yang cursu king Nursing king Makati Campus anyang Julio 2004. Ketang 2005, miyari ing contrata ning Mapúa High School king Doroteo Jose, at misara ya iti anyang Marsu. Inumpisan ne ning Mapúa Institute of Technology ing bayung Malayan High School of Science king Pandacan, Menila, a mibusni anyang Junio 2006, at agpang king planu, dinan nong ulaga deng programang makaugne king ciencia ampong tecnologia. Migumpisa yang miyampang programa king Psicologia ing Intramuros Campus, kabang inumpisan no ning Makati Campus deng Pamanibalang Negociu (Business Administration) ampong Accountancy anyang 2005, ampong Pamanibala kareng Hotel ampong Restoran (Hotel and Restaurant Management) anyang 2006.

Ing Mapúa Intramuros Campus

Ing New Builder

Ing New Builder ing oficial a pahayagan ning Mapúa Institute of Technology. Tatalnan ne ning metung a grupu da reng estudianting periodistang panibalan ning Manibalang Talapatuntun (Managing Editor) ampo ing metung a Talausuk king Talapatuntun. "The Builder" ing lagyu ning pahayagan da reng talapagaral angga king decada sesenta (1960s). Sinaguli yang meging "Avante Garde" iti anyang mumunang banwa ing decada setenta (early 1970s). Anyang mibaba ing activismu da reng estudianti kaybat ning leyi militar (martial law), mibalik ya ing pahayagan ning escuela lalam ning salukuyan nang lagyu.

Kayabe la kareng kilalang meging kayanib ning New Builder ampo reng inalilan na deng makatuki:

  • Miguel Paala (BSCE), Editor-in-Chief - The Outstanding Mapuan (TOM) awardee
  • Cesar Castro (BSChE), Editor-in-Chief - The Outstanding Mapuan (TOM) awardee
  • Napoleon Gutierrez (BSMIE), Editor-in-Chief - Sports and entertainment columnist
  • Genaro Sanchez (BSECE), Editor-in-Chief - Vice President, Philippine Long Distance Company (PLDT)
  • Rocky Cabañes (BSEE), Editor-in-Chief - Vice President, Starhub(Singapore)

Deng Escuela ampo reng Karelang Cursu

Intramuros Campus

  • School of Architecture and Planning, Industrial Design and the Built Environment
    • Architecture, Industrial Design, Interior Architecture Design, Project Construction Management
  • School of Civil Engineering and Environmental and Sanitary Engineering
    • Civil Engineering, Environmental and Sanitary Engineering
  • School of Chemical Engineering and Chemistry
    • Biotechnology, Chemical Engineering, Chemistry
  • School of Electrical Engineering, Electronics and Communications Engineering and Computer Engineering
    • Computer Engineering, Electrical Engineering, Electronics & Communications Engineering
  • School of Earth and Material Science Engineering
    • Materials Science and Engineering, Geology and Geological Engineering
  • School of Industrial Engineering, Engineering Management
    • Engineering Management, Industrial Engineering, Solar Power
  • School of Mechanical Engineering
    • Mechanical Engineering
  • School of Languages, Humanities and Social Sciences
    • AB Psychology, BS Psychology

Makati Campus

  • School of Information Technology
    • Computer Science, Information Management, Information Technology
  • San Lorenzo Ruiz School of Health Sciences
    • Nursing
  • Enrique T. Yuchengco School of Business & Management
    • Accountancy, Business Administration, Hotel and Restaurant Management

Mapúa IT Center

  • Associate in Digital Arts and Design
  • Associate in Management Systems Technology
  • Associate in Information Systems
  • Associate in Network Technology


Notable Mapúans

Deng Kilalang Miyari king Mapúa

Educacion

  • Alfredo Ang, (BSCE)- Professor Emeritus of Civil Engineering; University of Illinois at Urbana-Champaign and University of California at Irvine
  • Leon Chua, (BSEE)- Professor at the University of California at Berkeley, 2005 IEEE Gustav Robert Kirchhoff Awardee
  • Lee Seng Lip, (BSCE)- Professor and Head of the Department of Civil Engineering, National University of Singapore (NUS)
  • Ricardo Pama, (BSCE)- Former Vice President of the Asian Institute of Technology (AIT) in Bangkok, Thailand and now President of Angeles University Foundation
  • Demetrio Quirino, (HS)- Founder of the Technological Institute of the Philippines (TIP)
  • Francis Yu, (BSEE)- Professor Emeritus of electrical engineering , Pennsylvania State University, University of Michigan and Wayne State University.

Arquitectura

Negociu ampong Industria

Pamaglimbang (Entertainment)

Pamanyuyung king Kapamahalan (Government Service)

Pulitica

Ciencia ampong Tecnologia

  • Diosdado Banatao, (BSEE)- Mitátag king S3 Graphics, Ltd. Tuturing deng "Bill Gates ning Filipinas" [1]
  • Eduardo San Juan, (BSME)- Ya ing mekaisip king diseniu ning lunar rover mock-up model a gagamit kareng materialis a gawa king bale[2]. Ing mismung w:Lunar Rover diniseniu ne ning Boeing ampo ning Delco. program[3].
  • William Torres, (BSCE)- Pipumpunan ning Internet king Filipinas (Grandfather of Philippine Internet).[4]
  • Arturo Alcaraz, (BSMining)- Kilalang expertu king geothermal energy at tinanggap king Ramon Magsaysay Award (Ing Nobel Prize ning Asia) ketang 1982

Pasiknangan

Pikwanan

  1. Mapua Viewbook 2006: Outstanding Alumni Page 2, mapua.edu.ph, Accessed March 20, 2007
  2. Mapua Viewbook 2006: Outstanding Alumni Page 1, mapua.edu.ph, Accessed March 20, 2007
  3. [1]
  4. Cite error: Invalid <ref> tag; no text was provided for refs named alumni

Suglung a palwal


Ing Intramuros Consortium
Colegio de San Juan de LetranLyceum of the Philippines UniversityMapúa Institute of TechnologyPamantasan ng Lungsod ng Maynila


Ing National Collegiate Athletic Association (Filipinas) Season 83
Seniors: Letran Knights | St. Benilde Blazers | JRU Heavy Bombers | Mapúa Cardinals
PCU Dolphins | San Beda Red Lions | San Sebastian Stags | UPHSD Altas
Juniors: Letran Squires | JRU Light Bombers La Salle Greenies | PCU Union Baby Dolphins
San Beda Red Cubs | San Sebastian Staglets | UPHSD Altalettes
NCAA king Mawli (South) | Listaan da reng of panaun ning pyalung (seasons) | Deng campeonatu