Batália king Menílâ (1899)

Ibat king Wikipedia
Jump to navigation Jump to search

Menibatan ketang Ka-4 nang Aldo ning Pebreru, 2005, Ka-108 nang Banuang pamagmasusi nitang Mumunang Akbung a Pigmulan ning Pamiabnu ring Filipinu at Amerkanu, itang Panandang makakabit king Tete ning Balsahan (mayayaus mu namang San Juan o Tete Pinaglabanan) miyalis ne. Agpang keng pamanaswal nang Dr. Benito Legarda, Jr., a sinulat metung a aklat dikil king umpisa ning Labanan, itang Amerkanung Sundalus i William Grayson kayanib king "First Nebraska Volunteers", kilbit ne ing mumunang akbung king pilibudtan da ring dalan Silencio at Sociego king Santa Mesa. Ali king Tete San Juan, Rizal kalupa ning sadyang mikalat a balita ketang Kapat nang Aldo ning Pebreru, 1899.

Pelad neng Dr. Legarda ing kayang sinulat king Panbansang Makasalesayan Telakaran pamunuan nang Professor Ambeth Ocampo. Ing Kapuluan ning Telakaran tinggap da ing pamaltutu nang Legarda. Ing bage ayni simbitla na neng Professor Abogado Jesus Zapanta ning Apalit ketang tuturu ne ing Kasalesayan ning Pilipinas king Pamantasan ning Santo Tomas.

Ing Labanan ausan da reng mapilan a Mumuna nang Vietnam ning Amerika meyari ketang 1907, anyang merakap ya at mebite ing tauling makatimawang punu ring Filipinu i Macario Sakay. Ing pamanulid king sadyang misulat karing aklat kasalesayan meyakua karing taung atyu king lugal ning kapaliarian, retang sundalus a atyu karin ketang memaril ya ing Sundalus Grayson; kabang itang mumunang mibalitang king San Juan meyakua ya mu keng bali-balita, agpang kang Doktor Legarda.
Usbong Ing artikulung ini metung yang suli. Makasaup ka king Wikipedia kapamilatan ning pamandagdag kaniti.