David Frost
| David Frost | |
 I Frost king interview kang Donald Rumsfeld aniang 2005 | |
| Mibait | David Paradine Frost 7 ya ing Abril 1939 Tenterden, Kent, Inglaterra |
|---|---|
| Mete | 31 ya ing Agosto 2013 (edad 74) MS Queen Elizabeth, Dáyatmálat a Mediterraneo |
| Kapanintunan/propesion | Presenter king television, periodista, comedianti, talasúlat |
| Asawa | Lynne Frederick (m. 1981; div. 1982); Lady Carina Fitzalan-Howard (m. 1983) |
| Kapareha | Diahann Carroll (1970–1973) |
| Ának | 3 |
I Sir David Paradine Frost (7 ya ing Abril 1939 – 31 ya ing Agosto 2013) métung yang Ingles a host king television, periodista, comedianti ampóng talasúlat. Síníkat ya aniang satire boom king Britania aniang mépílí yang maging host king palagéng satirical a That Was the Week That Was aniang 1962. Úli na ning tagumpé na kaníting palagé, mékápagóbrá ya antimóng host king television king America. Mékilála ya karéng kayang television interview karéng mánimúnang politicu, antimó déng Nixon interviews kayábé ya ing presidenti / pamuntuk ning Estados Unidos a i Richard Nixon aniang 1977 a géwá dang drama king teatro, ing drama king teatro ampóng pelicula, ing pelicula. In-interview nó ngang Frost déng ánam a pun ministro ning Britania manibat aniang 1964 angga king maté ya aniang 2013, manibat kang Alec Douglas-Home angga kang David Cameron, ampó déng ánam a makalukluk a pamuntuk a Americanu manibat aniang 1969 anggang 2008.