Ding Poeta

Ibat king Wikipedia
Jump to navigation Jump to search

Ding Poeta[mag-edit | edit source]

1 ninu la mo wala deting magpayaus calagyuang Poeta

cawani la wari caring queraclan ding taung Lelangan Na

ticdo ca macudta, guingcas muing matulid, manalacaran ca

pasiag mo caguiuan ding ausan mung watas a paningaya ra

2

ila ding masid-i, marubdub mamaus, qng Amanung Sisuan

manasic, gagambul, qng luntiang marangleng, calub ning Miglalang

didilig lang daya, patulu lang pawas, bubuwis lang sicanan

wa, ilang Poeta, anac ng macudta, ning Indung Balayan

3

Poetang minunang pepasiag ng Don Monico R Mercadu

pepasiag na namang Don Mariano Byron Pabalan Procesu

caring amanu dang likas qng daquilang Adios, Mi Ultimu

pepasiuala de, dayang Capampangan caring sablang tau

4

ninung mangalinguan cang Juan Crisostomo Soto y Caballa

mibantug aCrissot, Poet Laureadu, anac ning Pampanga

ngara pauli na, ing Balen Bacolor quebit ne qng mapa

masyag diling Tala ding sablang Poeta caretang galaxia

5

ing Amadu Yuzon bantug yang Poeta mabilug a yatu

minunang meputung coronang titulu Poet Laureadu

anac bait Guagua, propesor, congresman, tanyag abugadu

ding sablang Poeta metung ding Daquila carin qng Parnasu

6

mapilan pang aldo meyaus ne Banua'ing Vedastu Ocampu

metung caring atlung babatyon daquilang Ari Ning Parnasu

malume, mapinu, malantic, magayut, suabing mangamanu

ngana "ing Dios Banua, Poeta ya naman, queco pabalu cu"

7

i Gat Joe Gallardo, baticang poeta nyang capanaunan

Poet Laureadu, Ari Ning Parnasu, Ari Ning Crissotan

anac ning Candaba, ding cayang panyulat, miguit aduang dalan

metung caring atlung Daquilang Poeta ning Amanung Sisuan

8

Delfin T. Quibuloy, Poet Laureadu qng Lubao penganac

metung caring miembrung pundasyun ning Aguman Ding Talasulat (AGTAKA)

obra-maestra ya "Kuriro at Kawatasan" ng panyulat

mituring yang metung caring Laureadu ding pinacamabayat

9

Bernardino Muldung, itang Dramaturgu qng Arting Crissotan

a cang Joe Gallardo lalung migpasilad tune nang cayapan

caring e mabilang pibabatbat dang gale at pamiligligan

alus emu balu nung ninung sumambut anggang capupusan

10

anac na ning Lubao, bayung Laureadu, Ernesto C. Turla

pundador, pamuntuc, agumang ANASI, papasiag siuala

metung caring bayung memalen Parnasu, tuturing daquila

caring bayung suli, alang capagalan qng pamamicudta

11

ing bantug a Pintor, bayung Laureadu, Rafael Maniagu

baticang poeta, bihira pangamat, anac ning Mexicu

ding cayang larawan, caretang panyulat o ding cayang cuadru

mibait la wari, Virgil at Angelo qng metung a tau

12

at ing Laureadung bayung miputungan Renato Alzadon

anac na ning Capas, disipulus detang aduang Poetang Don

Poeta Gallardu't Vedastu Ocampu ilang meguing padron

anya ing Parnasu, mame yang tutulid queng cayang babatyon

13

Bayung Laureadu, Pitung Magnifico, cabuuang bangguit

Almario de Jesus, matenacang Aguila na ning Apalit

ing Biseru na ning Lubao a Mar Franco, mayap a panuguit

di Nelson Tanedo, Orming del Rosario, ganarul mapitpit

14

deting matenacang purus Laureadung macudtang Poeta

Cicero Punsalan, Jaspe Dula, Pol Batac, Teodulo Turla

i Francisco Guintu na ning Macabebe, i Felix Garcia

at ing Rosang bucud, caring tinik, Eufrocinia dela Pena

15

deta pang minunang matuang talasulat miyaliwang cundiman

cacuyug susuyu Segundo D. Dizon, Eusebio Cunanan,

di Isaac C. Gomez, Serafin D. Lacson, i Zoilo M. Galang,

di Cecilio Layug, Sergio C. Navarro, Silvestre Punsalan

16

macanyan mu naman, di Rosario Tuazon at Zoilo Hilario

Gonzalo H. Martin, Simeon Catacutan, Anselmo Fajardo

Lionel M. Dizon, Dadong Macapagal, Jose P. Fausto

Aurelio't Jacinto da ring Tolentino, at Fidel de Castro

17

mapilan pa carin, Mang Felino Simpao, at Jose F. Sanchez

Fr. Jose dela Cruz, Felix B. Bautista, Felipe Angeles,

di Julio S. Ramos, i Fidel de Castro, Queruben Fernandez (Jr)

Rose Yumul Ogsimer, Urbano Macapagal, at Ka Roman Reyes

18

di Mang Abdon Jingco, di Jose G. David, at Mariano Sigua

at di Magin Torres, Canuto Tolentino, Gonzalo Sta. Maria,

at ing talasulat a romanticong Don Artur de Cordoba.

deti ding sinuyu, tapat talasulat, ding anac Pampanga.

19

dacal bayung suli caring meguing bunga ding guintung Poeta

tinuqui qng dalpak megaral misulat caring nobling pluma

at atin mu namang quetang cayanacan mecasangap rosa

queting pamandagul misundu pangarap qng amanung lira

20

ania oiti ngeni ding bayu ng tanud ning Amanung Sisuan

gagale, puprosa, susulsi, lalala ding bayung cundiman

anti mo i Edgardo B Sale, at Jose Roman Reyes Laquian

i Carlos M Castro, i Benjamin Yuzon, at Maria Sinucuan

21

ala lang patugut gagambul, mamasic, qng Amanung Sinta

i Maria Teresa Mercado Magtuluy Evangelista

i Pidung Rivera, ArtDax Tolentino, i Tony M Pena

Edwin S Quibuloy, Carol Sicat-Guanzon, at Nestor Galura

22

masipag lang cawal, matning tagapasiag, careting Amanu

di Felix Garcia, Rolando de Jesus, at Robby Tantingco

di Julian Mallari, Jason Laxamana, Minerva Arceo

Armando Regala, i Rudy Ordonez, at Louie Escoto

23

cayabe la namang palabung, pipiglo, dadaun sacoru

Udis Sanchez Manalansan-lord, Ariel Malig, at Manuel Soriano

di Reddy Gonzales, Al Simca, Ann David, Rudy del Rosario

Josie Henson, Nancy Lagman, Hernand Saban, ampo i Josie Castro

24

abibitasa mung qng carelang lugud emu rin painawa

deting ray tanjoco, jaime gonzales-bacani, eran banua

John Edgar Ocampo, Roilingel Calilung, Tec Sanchez-Tolosa

Orlando Maniago, Adrian Lee Magcalas, tune la qng obra

25

ela magpatauli qng sipag at suyu ding aliwang suli

di Archie Love, Abel Soto, William Santos a apagcapuri

di Adora Ferrer, andy alviz, willie dizon a maticdi

ampo i Renie Salor, caring cayabe na, tigtig neing cudyapi

26

dacal pang sasarul, mamaswe, babalsa, caring talasuyu

bista't ding gagawan, suyung pamidaun, pipi dang susugu

qng benging taimic, munag na ning aldo, samal lang susulu

ding almas dang lira andang isagupa qng imbing palalu

27

at ing quecong lingcud, Anak ning Arenas, sapni ning Arayat

qng Mal tamung Indu, maglundag yang bunduc, maglacbang yang dagat

ing lugud qng Balian, nung meliguat ya man, Banua ya ing casucat

at nung cailangan ne, ing dayang dalise, bie ne't isambulat

28

anya ninu ngara deting magpayaus calagyuang Poeta

ngacung manalacad, ila ding sundalus ning Amanung Sinta

caring aldo't bengi, alang nanung oras, ilang magpatrulya

qng lagyu mu Indu, queng cucu ding lasip, ipaglualu daca

         --- ooOoo ---

Magpugue ya pu ing maluca yung lingcud, Anac Ning Arenas