Franz Schubert

Franz Schubert
Mibait	31 ya ing Enero 1797 Vienna, Imperio ning Austria
Mete	19 ya ing Noviembre 1828 (edad 31) Vienna, Imperio ning Austria
Kapanintunan/propesion	Compositor

I Franz Peter Schubert (31 ya ing Enero 1797 - 19 ya ing Noviembre 1828) métung yang Austriacong (Austrian) compositor anyang tawlí nang dák éning kapanaunan a Clasical ampo ing umpisa ning kapanaunan a Romantico. Lipat ning makuyad nang bie, dakal ya likuan a obra i Schubert, kayabe la reng maygit 600 obrang vocal (pang-siwala) secular (a keraklan Lieder), pitung completung sinfonía (symphonies), sagradung musica, opera, incidental music, ampong dakal a piezan para king piano ampong música de cámara (chamber music). Kayabe la kareng maulaga nang obra deng art songs a "Erlkönig", "Gretchen am Spinnrade", ampong "Ave Maria"; ing Trout Quintet; ing Symphony No. 8 in B minor (É Miyárî); ing Symphony No. 9 in C major (Great); ing String Quartet No. 14 in D minor (Death and the Maiden); ing String Quintet in C major; ing Impromptus para solo piano; ing last three piano sonatas; ing Fantasia in F minor; ing operang Fierrabras; ing incidental music para king dramang Rosamunde; ampo reng song cycles a Die schöne Müllerin, Winterreise ampong Schwanengesang.