Jennifer Connolly
| Jennifer Connelly | |
 I Connelly aniang 2010 | |
| Mibait | Jennifer Lynn Connelly 12 ya ing Diciembre 12, 1970 (edad 54) Cairo, New York, Estados Unidos |
|---|---|
| Kapanintunan/propesion | Artista |
| Asawa | Paul Bettany (m. 2003) |
| Ának | 3 |
I Jennifer Lynn Connelly (míbayit 12 ya ing Diciembre 1970) métung yang Americanang artista. Migumpisá ya ing kayang carera antimóng anak a modelu báyú ya minúnang línagé king peliculang crimen a Once Upon a Time in America aniang 1984. Kaibat ning pilan pang banuá ning pámag-modelu, títúkán né ing pámag-artista, at línagé ya karéng miáyaliwang pelicula kayábé ya ing peliculang horror a Phenomena (1985), ing peliculang musical fantasy a Labyrinth (1986), ing romantic comedy, Career Opportunities (1991), ampó pa ing peliculang superhero, ing The Rocketeer (1991). Pinúrí dé ing kayang pámanárti king peliculang science fiction a Dark City (1998) ampó ing lagé na antimóng drug addict king pelicula nang dramang Darren Aronofsky, ing Requiem for a Dream (2000).
Ménikuá yang Academy Award para king Best Supporting Actress king lagé nang Alicia Nash king biopic nang John Nash a A Beautiful Mind (2001), nung nú ya director i Ron Howard. Kayábé la karéng tútukí nang pelicula déng peliculang superhero a Hulk (2003), peliculang dramang House of Sand and Fog (2003), peliculang horror a Dark Water (2005), psychological dramang Little Children (2006), thriller Blood Diamond (2006), pelicuang science fiction a The Day the Earth Stood Still (2008), ampó ing romantic comedy, ing He's Just Not That Into You (2009). Aniang tútuking decada, linage ya king pelicula nang biblical epic nang Aronofsky, ing Noah (2014) ampo deng peliculang action a a Alita: Battle Angel (2019) ampong Top Gun: Maverick (2022). Línagé ya mú naman king serie king television a Snowpiercer (2020–2024) ampó ing Dark Matter (2024).
Mépílí yang Amnesty International Ambassador for Human Rights Education aniang 2005 i Connelly. Aniang 2012, mépílí yang múmúnang global face ning companiang Shiseido. Pinílí dé déng magasin, kayábé ya ing Time, Vanity Fair, ampóng Esquire, ampó pa ing diariung Los Angeles Times, a métung karéng malagung díling bábáyi king yátu.