María Mazzarello

Ibat king Wikipedia
María Mazzarello
MibaitMayu 9 1837(1837-05-09)
Mornese, Alessandria, Italia
MeteMayu 14 1881 (maki edad a 44)
Mornese
Meging beatoNoviembre 20, 1938
Meging santoJunio 24, 1951
Major shrineBasilica of Our Lady Help of Christians, Turin, Italia
FiestaMayo13

I Santa María Mazzarello o Madre Mazzarello (Mayo 9, 1837 – Mayo 14, 1881) ing Italianang kayabe nang Don Boscong mitátag kareng Salesian Sisters, a mayayaus muring "salesianas".

Mibait yang Maria Domenica Mazzarello king Mornese, a atyu king ngeni lalawigan ning Alessandria, king pangulung Italia, king kalulung pamilyang magobra antimong talapagobra neng aldo (day laborers). I Madre Mazzarello, a lagyu nung nu ne mas kilala ning yatu, ing mumunang Superiora General ning kayang orden manibat 29 Marzo ning 1872 angga king kayang maranun a pangamate anyang 1881.

Uling king kayang misnang pangasimpli ampo ing kayang pamiparikil (dedication) king kayang bye king pamitátag ning bersyong pambabai ning sistema ning pamisapul (preventive system) nang Don Bosco, mibuklat kaya ing pasbul ning kabanalan, a kinilala ning Iglesia Catolica anyang 1951. Ing pamitátag da reng salesiana ing pakibat neng pastoral Don Bosco king pamangailangan da reng dakal a kayanakan a talapagobra a mabibye king bunga ning Reboslusyong Industrial king Piedmont o Piamonete king Italia anyang kalabingsyam a dilanwa o siglu (19th century), at king parasan a iti, inampang nang Madre Mazzarello ing mitmu nang pagal ampong pamagpursigi.

Suglung palwal[mag-edit | alilan ya ing pikuwanan]

Ing Wikimedia Commons atin yang mediang maki kaugnayan kang/king: