Pasiknangan

Ibat king Wikipedia
Lundag ka king: pamaglibut, paintunan
Pasiknangan kareng kayanakan. Ing association football, king babo, metung yang pasiknangan a pang-grupu a babie muring pamikatagun para kareng actividad a abe-abe.

Ing pasiknangan o sport metung yang actividad a panibalan na ning metung a panibalan da reng kapalakaran o patakaran, at pakiabayan maki kacumpetencia o maki kalaban. Keraklan, deng pasiknangan actividad la nung nu ing aspetung pisical ning kalaban ing bukud o pekamaulagang sangkan ning pamaniambut o pangasambut, oneng magagamit ya murin ing kataya para kareng actividad anti deng pasiknangan pangkaisipan (metung a maralas magagamit a lagiu kareng mapilang pialung a ipiss ampong board game nung nu ditak mu ing papil ning suerti) ampo reng motor sports nung nu ing isip o deng gamit ilang manimunang elementu. Maralas, ing pasiknangan dirinan deng kabaldugang metung a organisado, miku-competencia, ampong magematan o biasang actividad a pisical a mangailangan pamamie panaun ampong patas a pamamialung. Para kareng mapilan, aliwa ing pasiknangan kareng pialung uling mas matas a uri ing panga-organisa ampong maki papl 8ing tubu (e paneng ing cualta) king pasiknangan. Manyalikut lang exactung kasulatan kareng resulta kareng keraklan kareng pasiknangan kareng pekamatas a level, at mibubulalag la reng mangasambut ampo reng agagawa da o ararapat kareng balita king pasiknangan.

Deng pasiknangan a magdependi ing karelang resulta king pamalak o opinion ding mamatul aliwa la kareng actividad anti kareng ligligan leguan (beauty pageants) ampong palageng singkaragul katawan (bodybuilding shows) uling ketang minuna, atiu ing pansing king actividad a daraptan, at e kareng pisical a calidad ning kayabe king ligligan, anti ing tauli (dapot atulan da la kareng aduang ligligan deng datang o "presentation" o "presencia").

Keraklan, pipialungan la mu deng pasiknangan bang milimbang o milibang, o bang manatili king masanting a kabilian a pisical.

Lipat ning e la paneng magtagumpe keti, asahan dong magpakit mayap a sportsmanship, deng batayan ning pangimut anti ing pangamagalang kareng kalaban ampo reng oficial, ampo ing pamagmananu (congratulating) kareng masasambut.

Lon la murin

Manakit kang karagdagang impormasiun tungkul king Sports kareng kapatad nang proyektu ning Wikipedia:
Wiktionary-logo-en.png Kabaldugan king diccionariu
Wikibooks-logo.svg Aklat
Wikiquote-logo.svg Quotations
Wikisource-logo.svg Kasulatan a dalerayan
Commons-logo.svg Larawan ampong media
Wikinews-logo.svg News stories
Wikiversity-logo-en.svg Learning resources
Kaugneng paksa

Dalerayan

Karagdagang babasan


Template:Sport