Podcast
Ing podcast métung yang episode ning programang makabílí king digital format a maliáring ikuldas (download) king Internet.[1][2] Sadia, atílu king format a audio déng podcast, a masasalamin king terminu, a ménibat king "iPod"ampóng "broadcast" a mélalang aniang 2004. Kaníta, déng podcasts serie lang mapipitna karéng dáké ó episode king format a simpan / file a digital audio a kukuldas king personal device ó stream a pákiramdaman da nung kapilan dé burî.
Aniang libútad ning decadang 2020, mégí lang kabalítan déng video podcast, antimóng primary content a kayábé king feed, ó external supplement king audio. Aniang 2025, sinábi ning Bloomberg a métung lang billiong táwu déng mánalbéng podcast king video platform a YouTube bálang búlan.[3]