Sistemang immune
Ing sistemang immune o sistemang panyagka metung yang sistema da reng dake ampong prosesu king kilub organismung magsilbing proteksyun king sakit. Ba yang gumanang masalese, kaylangan ning sistemang immune a makapayntun kareng miyayaliwang ahenti, manibat kareng birus angga kareng parasitikung bulati, at ibukud la reti o kilalanang aliwa king sarili nang tisyu na niti.
Deng pathogen o ahenti ning sakit malagwa lang magbayu ampong bumage ba rang lisyan ing pangatuklas da ampong pangasira ning sistemang immune o panyagka. Uli na niti, dakal la muring lintong kaparalanan ning pamagdepensa o pamamingwa king sistemang immune. Agyang deng simpling organismung tunggal selula, antimong deng bacteria, atin lang pangpundasyun o simpling sistema, kapamilatan da reng enzyme a mamingwa o magprotekta kareng impeksyon da reng bacteriophage. Deng aliwang pangpundasyun a kaparalanan a minalkus kareng eukaryote at atyu pa murin kareng karelang makabayung palipi, antimo kareng tanaman ampong insektu. Kayabe la kareng mekanismung deti deng phagocytosis, antimicrobial peptides a awsan dang defensin, ampo ing complement system. Deng vertebrate a maki panga, kayabe la reng tau, lalu yang komplikadu ing kaparalanan da king pamamingwa o pamagdepensa, [1] kayabe ya ing mas mayap o magelingan a paralan ning pamangilala king pangalabas ning panaun kareng partikular a pathogen o magdalang sakit kaybat ning mumunang pamitupa kaniti. Ing adaptive (o meyakwang) immunity maglalang yang immunological memory kaybat ning mumunang pakibat king partikular a pathogen, a magdalang mas pepasikan a pakibat kareng tutuking engkwentro o pamisagana king pareung pathogen. Ining prosesu ning acquired immunity ya ing basi ning pamagbakuna vaccination o vaccination.
Lon la murin[mag-edit | alilan ya ing pikuwanan]
Dalerayan[mag-edit | alilan ya ing pikuwanan]
- ↑ Beck, Gregory (November 1996). "Immunity and the Invertebrates" (PDF). Scientific American 275 (5): 60–66. doi:. Archived from the original. You must specify the date the archive was made using the
|archivedate=parameter. http://www.scs.carleton.ca/~soma/biosec/readings/sharkimmu-sciam-Nov1996.pdf. Retrieved on 1 January 2007.
Suglung palwal[mag-edit | alilan ya ing pikuwanan]
- Immune System Archived Mayu 2, 2019 at the Wayback Machine - from the University of Hartford (high school/undergraduate level)
- Microbiology and Immunology On-Line Textbook - from the University of South Carolina School of Medicine (undergraduate level)
- Immunobiology; Fifth Edition – Online version of the textbook by Charles Janeway (Advanced undergraduate/graduate level)