User:Razel torres-adorna

LUGUD KAKAMBAL NING SAKIT LUB

  Madalas queng biye tamu daratang ing kapagsubukan. Ali aliwang eksena,ali aliwang kaparalanan. Ninu ing mayawus masikan,deta bang lulugud o deng daranas sakit lub?
 
  Sabi da pag lulugud ka at na kang kanyaman a pakiramdam. Pane mu kanung ustu ing balang bageng kekayung gawan. Alang makahadlang gyang ninu pa man.Sabi da rin na alang dahilan ing pamanulu ning luwa kapag ing adwang tau lulugud lang parehu. Agyu ngan kanung lagpasan gyang ing " cloud nine " na karelang awsan.

  Ecu alako ing ecu akutang,nung mikalugud la deng adwang tau at alang dahilan ing luwa o bakit ating magpakamate ustung lalakwan ne ning keyang liguran? O bakit ating milalako quing ustung kaisipan? O bakit dakal ing mababandal lugud pasibayu? O bakit ating tutwang alang asawa? O bakit akakwa dang mantun aliwa pang saya at aliwa pang pugad ding aliwang lalaki? O bakit mantun lang aliwang lingap ding aliwang babae?

  Nanu ya waring talaga ing kabaldugan ning salitang LUGUD?   
  Nanu ya wari ing tune kapanandaman ning LULUGUD?
  
  Pilitan cu mang isipan,pilitan cu mang pakiintidyan ing bage bage balamu at nang kalalam ing balang kabaldugan. Buren yung ikwento ke ing kanakung kaluguran saka ye pakaisipan nung nanu ya ing sitwasyun nung tutu ya bang lugud ing keyang penandaman o sakit lub na ning lugud a e naman tune?

  Minsan quing biye na ning kanakung kaluguran,palagyuwanan ta nyamung Camille,ating dintang a taung memye saya kaya. Sayang bala na ala nang kapupusan. Miyabe la halus aldoldo.mikakit halus bengi bengi. Masaya ing balang oras na ning pamiyabe da. Antimong hangin malayang panandaman ing presensya ning metung at metung. Meglambat ing makanitang sitwasyun,memilang banwa. Dapot libutad na ning saya ikwa neng LIGURAN ining lalaking bala nang Camille tutu yang taung minarap kaya. Ing saya mipalitang luwa,ing tula mipalitang sakit lub. Halus ikwa nang milugmuk Camille,ikwa nang kinuwestyun pelalung ing Meglalang kaya. Para kang Camille yapin na ing kayaryan na ning biye. Linto yang makalunus,penandaman na ing pamagdilidili. 

  Quing ikit cung milyari kang Camille memyalung quing isip cu nung ninu ing menyambut at nung ninung mesambut. Ing bang linugud ya ing mesambut o ing liguran? Melunus cu, mesora cu. Bakit dakal ing taung mahilig makyalung quing kapanandaman da reng aliwa?

  Quing istorya cung ayni linub quing utak cu,iustu muku nung magkamali cu. Dapot pakaisipan me rin ing kanakung punto. Ing LUGUD pala emu pane namung saya,ing LUGUD pala emu palaging ating tula kailangan ka rin palang kumyak para mabalu nung nanu ya kabaldugan ing salita. Ikang makabasa duduwang cu queka ngeni ing LUGUd BA KAKAMBAL NE NING SAKIT LUB?
  
  

                                                              ...YAKUMU...