User talk:Razel torres-adorna
Dagdagan ing pisasabianBIE CALL CENTER
"Nuko bengi na naman! Umpisa na naman ning puyatan at pamikasabi kareng maklak a buntok a Amerikano!". Ini kadalasan ing salitang damdaman mu kareng magobra "call center". Makasawa ning minsan pero dahil ya ing obra mu at pangabyayan ala kang agawa nune tupdan ing obligasyun mu.
Bukod queng puyat at madagul a panakitan dakal mu rin ing abibie na ning call center kareng magobra na. Makakilala kang dakal a tau, misan aturing mulang tune kaluguran. Pero bala da ding aliwa masagli mu ing obrang ayni. Eka normal a biye. Matudtud ning abak makagising ning bengi. Madalas pin kainggitan mula pa ding akakasake mu dahil ila pauli nala samantalng ika palub ka pa queng obra. Delikado ing obrang bengi, delikado ing biye na ning "call center agent". Pero ating bageng mamye sikan lub keka para labanan ing eganagana. Mumuna ing pamilya, kadwa ing kakulangan pinansyal.
Kilub na ning balang bengi halus e kukulang king limang pulung Amerikano ing akakasabi mu. Ating maganaka, ating halus gyang paulit-ulit mu nang eeksplika ena pa rin ayntindyan ing buri mung sabyan. Makatupa ka namang alang kwentang kasabi dahil pane mung panagkas ing balu dang palwal queng asbuk da. Queng obrang ayni masusubok nung makananu kakaba ing pasensya mu, nung makananu kang magtimpi kareng kasabi mu. Ning kayi akwa mu nang pangapagaga kasi pag mipakaba ing oras mu queng kasabi mu mabulyo ka pa queng visor mu.
Nung makananu cung milub queng obrang ayni ecu din inasahan. Atin cung akilala na magobra queng "call center" asabi cu kayang bisa cu ding magobra anti queng pipagobran na. Kingwa ne ing buo cung lagyu at cellphone number, sinopan naku. Anyang minuna ecu mipasar ketang test da balaku kasi atin cu pang anam a minuto queng oras cu ngeni pala anam nyang segundo. Milako naku pagasa, merine cu ketang sinaup kanaku kasi ecu mipasar queng kamulalan cu. Memilang bulan kaybat na ning aldong mibagsak cu - Agosto 4,2008 - mekatanggap cu ulit awus king call center na nung nukarin cu mibagsak para magtest ulit - Oktubre 16,2008. Medinan cu ulit pagasa at sinabi cu ketang sinaup kanaku samasnan cu na at ekune pakarine ulit. Danup,sakit buntuk ing denasan cu. Manibat alas onse ning abak hanggang alas onse ning bengi tsu cu kilub ning HR aryan ngan ing test. Pero anyang kaorasang ayta pagmaragul cung sabyan biyasa cu pala kasi queng migit dinalan a aplikante YAKU MU ing mekwa. At nakung kapagmaragul belitaan queng agad ing sinaup kanaku. Kilub na ning pitong bulan mekapagobra cu king call center ayta. Pero dakal a meging problema, kailangan keng gulutan ing kumpanya. Paynawa cu pa sana kanita queng puyat, pero dahil akasanayan mu na ing ating gagawan pentunan na ning katawan cu. Ala pa mang paruminggu ing milabas sibukan cung mantun pasibayung obra. Pero uling medyo mikiidad naku, mibagsak cu pa murin king call center.
Ena man anting pagmayabang enacu makaying megkasakit kasi atin nacung "experience" queng makanitang obra. Megpanibayu cung pamagsane, panibayung pamakyabe, panibayung kaluguran, panibayung boss, panibayung patakaran, panibayung puyat, panibayung "pressure". Hay! Masaya naman ing obrang ayni agyang madalas mu ring daratang ing kalungkutan. Dakal daratang, dakal mamako. Tsu keka makananu kang lumwat queng makanining obra. Pero panwalan mu man o ali atin ding pulitika queng call center. Anti yamung iskwela na ating "favoritism". Pag enaka buri ning boss mu gyang dumaya ka arung queng pamanyad "supcall" na ning kasabi mu ene kunan at ipasa na ka queng aliwa. Nuko maybug kang manyakal batal pag makanita, bakit amu? Pag mipakaba ya ing oras mu na kasabi me ing metung a kliyente makamwanan ka e samantalang kasalanan da naman. Neng kayi sabyan cu namu king sarili cu "buren mu nemu mas dakal ka balu kaya, iya pusisyun yamu ing tatalnan na pero kutnan me queng produkto yu ala yang balu!" makanyan cu nyamung pasikanan ing lub cu. Pilan nacu ring bulan queng bau cung kumpanya ngeni. Dakal naku rin ikwang kalauguran, ikwang "anak-anakan". Gulut na ning saya, biglang magbayu ing tsup na ning hangin. Lakwan cu nala na naman ding tinuring cung anak kilub ning syam a bulan. Milipat cung alwang departamentu. Quine kadwang pagkakataon mepulitika nacu na naman. At nang kasakit anyang mumuna kasi bulu mung eka megpabaya quing obra mu. Pero alacu agawa nune tanggapan ing desisyun na ning "prinsipal" na ning eskwelang linuban cu. Sinabiu cu namu queng sarili cu "maragul cung kawalan queng eskwela mu".
Makanyan man ing bie "call center" masagli ya mung durutan. Anti yamung pipanganan manorder ka, mamayad, mangan.
. . . YAKUMU . . .
Start a discussion with Razel torres-adorna
Talk pages are where people discuss how to make content on Wikipedia the best that it can be. Start a new discussion to connect and collaborate with Razel torres-adorna. What you say here will be public for others to see.