Frank Lloyd Wright
| Frank Lloyd Wright | |||||
 |
|||||
| Mibait | Frank Lincoln Wright Juniu 8 1867 Richland Center, Wisconsin |
||||
|---|---|---|---|---|---|
| Mete | Abril 9 1959 (maki edad a 91) Phoenix, Arizona |
||||
| Nasionalidad | American | ||||
|
|||||
I Frank Lloyd Wright (mibait Frank Lincoln Wright, Junio 8, 1867 – Abril 9, 1959) metung yang Americanung arkitektu, interior designer, talasulat ampong talaturu, a migdisenyung maygit libung (1,000) istruktura ampong mekayaring limang dalan (500) a obra. Maniwala ya i Wright king pamagdisenyung istrukturang makabage king meto ketawan ampo king kapatulugan o kapaligiran, metung a pilosopiyang awsan nang organic architecture. Pekamasalese yang linto ing pilosopiyang iti king kayang disenyu para king Fallingwater (1935), a awsan dang "pekamasanting a obra king kabilugan ning panaun king arkitekturang Americanu". ("the best all-time work of American architecture").[1] Pekapun ya i Wright king pangimut a Prairie School king arkitektura at inalkus ne ing konseptu ning tuknangan a Usonian, ing kayang alang kawangis a panimanman para king pamagplanung pang lakanbalen (urban planning) king Estados Unidos.
Kayabe la kareng obra na deng orihinal ampong bayung uring (innovative) alimbawa da reng miyayaliwang klasi da reng gusali, kayabe la reng tanggapan, pisamban, pipagaralan, skyscraper, otel ampong museo. Dinisenyu na la namang Wright deng dakal kareng elementu king kilub da reng kayang gusali, alimbawa deng muebles ampong stained glass. Sinulat yang adwang pulung (20) libru ampng dakal a artikulu i Wright, at sikat yang talapagsalitang babye lecture king Estados Unidos ampong Europa. Maralas, mibibili king balita ing kayang makuleng personal a bye, lalu na itang maki kaugnayan king silab ampong pamakamate tau king kayang Taliesin studio. Lipat ning kasikatan na kanitang mabye ya pa, mirinan yang galal i Wright anyang 1991 ibat king American Institute of Architects as "mapyang diling Americanung arkitektu king kabilugan ning panaun." ("the greatest American architect of all time").[2]
Cite error: <ref> tags exist, but no <references/> tag was found
