Garcinia

Ibat king Wikipedia

Garcinia
Garcinia morella.
Scientific classification
Kaarian: Plantae Division: Magnoliophyta Pinduan: Magnoliopsida Orden: Malpighiales Familia: Clusiaceae Subfamily: Clusioideae Tribu: Garcinieae Genus: Garcinia L.
Species
Lon ya ing articulu

Ing Garcinia metung yang genus da reng tanaman ning family Clusiaceae, a tubu king Asia, Australia, deng dakeng mauli at malisangan king Africa, at Polynesia. Maki bilang lang limang pulu anggang atlung dalan (50-300) deng species da reng dutung at palumpung (shrubs) a evergreen (e milalako bulung) a kayabe kaniting genus. Dioecious ya iti, at en:apomictic la reng mapilan kareng kayang sangkap o elementu.

[mag-edit] Selected species

[mag-edit] Gamit o Pakinabang

Dakal kareng species ning Garcinia ing maki bungang mapapangan king lugal nung nu la mayayakit. Neng kayi, e ro man kilala deti pilan mung dalan a kilometru manibat king lugal nung nu la mapapangan. Ing Purple Mangosteen (G. mangostana) ing pekakilalang dili. Tatanam da ne iti king mabilug a mauli-aslagang Asia (southeast Asia), dapot e pa binang malwat a midala kareng aliwang lugal. E re makaing kilala kumpara king mangosteen ing Kandis (G. forbesii), a maki mangalating bungang kule malutu at maki laman a masla-aslam at malalaso. Kilala la reng species ning Garcinia a mayayakit kareng lugal a malisangan antimong pikukwanan (xanthone), a gum-resin (agtang mala-goma) a kule komanggi at dilo (brownish-yellow). Magagamit iti antimong pangule o pigment, o pamurga o paglako bulati.

Sasabyan dang agyu dang patuknangan deng sangkap mekwa king Garcinia kola ing pamiparakal (replication) ning Ebola virus, agpang kareng experimentu kareng laboratoriu.

Katumbas (Synonymy)

Tuturing dong katumbas ning Garcinia deng makatuking lagyu:

• Brindonia Thouars
• Cambogia L.
• Clusianthemum Vieill.
• Mangostana Gaertn.
• Oxycarpus Lour.
• Pentaphalangium Warb.
• Rheedia L.
• Septogarcinia Kosterm.
• Tripetalum K.Schum.
• Tsimatimia Jum. & H.Perrier
• Verticillaria Ruiz & Pav.
• Xanthochymus Roxb.

[mag-edit] Suglung a palwal

• Mangosteen Madness
• ITIS Report