Visayas State University

Visayas State University

Lugal	Baybay, Leyte, Filipinas
Website/Karinan-Aptas	http://www.lsu-visca.edu.ph/

Ing Visayas State University ya ing sadyang Leyte State University (LSU) king w:Baybay City, Filipinas. Didinan ne pa muring maragul a ulaga ing pamanyaliksik ampong pamanuru king agricultura, kayabe na ing obra king pamiparakal ning w:Jatropha ampo ing pamagpalto ning ngungut a macapunong malati (dwarf). Atin yang programa king pamibalik king kakewan (reforestation) ing universidad.

Maki apulu (10) yang colegiu ing Sistemang VSU, bukud king atlung instituto ampong metung a escuela (school, a kapante ning colegiu). Deti reng College of Agriculture, College of Forestry, College of Veterinary Medicine, College of Engineering and Agri-Industries, College of Arts and Sciences, College of Education, College of Fisheries (VSU-Tolosa Campus), College of Agri-Industrial Technology (VSU-Isabel Campus), College of Environmental and Agricultural Technology (VSU-Alangalang Campus), College of Education and Agricultural Technology (VSU-Villaba Campus), Institute of Human Kinetics, Institute of Tropical Ecology, Institute for Strategic Research and Development Studies, ampo ing Graduate School. Atin ya muring Open University a manibala king programang pamiturung marayu (distance education).

Bang sumulung ing uri da reng memalen a makaempleu king Visayas at deng labuad a kalele na niti, atin yang programang pamanuru ing VSU a susuyu o magsilbi kareng kayang clienti. Didinan dang ulaga deng myayaliwang cursu ning universidad ing panyulung ning kabyasnan da reng magaral kareng larangan a technical, pamanibala (managerial) ampong pamag-negociu (entrepreneurial). Ating hands-on practicum ampong pamagsane king kilwal (field training) a gagamit kareng pekabayung gamit ampong facilidad bang lalung lumalam ing karelang kabyasnan kareng cursung Agro-Industry, Information Technology, Tropical Ecology, Veterinary Medicine, Forestry, Fishery, ampong Food Science and Technology.