View source for Optical disc

{{Redirect|Optical media|transmission media for light|Medium (optics)}}

{{Optical disc authoring}}
[[File:CD drive lens.jpg|thumb|200px|The optical lens of a [[compact disc]] drive.]]

King [[computing]] ampong [[optical recording]], ing '''optical disc (CD{{Citation needed|date=September 2009}})''' o '''optical disk (WORM{{Citation needed|date=September 2009}})''' metung yang patag (''flat''), keraklan mabilug, a disc a maliaring magdalang [[audio]], [[video]] o [[:en:Data (computing)|data]] a maka-encode kareng microscopic (malatiktik a akakit mu king lalam ning ''microscope'') a busbus (''pits'') o bukul (''bumps'') king espesial a sangkap (keraklan [[aluminium]]{{Citation needed|date=July 2009}}) king metung kareng dake nang patag. Ing sangkap a magdalang impormasiun, o ''encoding material'', makatumpak ya king mas makapal a sangkap (keraklan [[polycarbonate]]) a bibilug king keraklan king disc at magsilbing ''dust defocusing layer''. Ing paralan ning pamag-encode taglus-taglus yang ''spiral'' a makatakap king mabilug a disc, manibat king pekakilub diling daralanan (''innermost track'') angga ketang pekakilual (''outermost track''). Makasimpan ing data king kapamilatan ning [[laser]] o ''stamping machine'' (makinang panatak), at maliari yang basan nung ing lalabasan ning data suluan ya king [[laser diode]] king [[optical disc drive]] a magpadurut king disc king salusung manga 200 [[revolutions per minute|RPM]] anggang 4000 RPM o maigit pa, dependi king uri ning drive, disc format, ampo ing dayu ning read head king libutad ning disc (mas mabilis lang babasan deng daralan a pangkilub o ''inner tracks''). Didisporman de reng kulkul o bukul ing sulung laser a masasalamin (''reflected laser light'') ania deng keraklan kareng optical disk (liban kareng mangatuling a disc ning orihinal a [[PlayStation]] [[video game console]]) maki itsura lang [[iridescent]] a gewa da reng ''grooves'' o bukul ning tumpak a masasalamin (''reflective layer''). Ing sumangid ning optical disc atin yang maka-imprentang marca o etiqueta, a keraklan gawa king papil, dapot neng kai, makalimbag o makatatak king mismung disc. Atiu kaniting dane ning disc ing mismung data, at keraklan, matatakpan yang sangkap a malino, keraklan [[lacquer]]. E anti king [[floppy disk]], ala lang makayabeng lulanan a protecciun deng keraklan kareng optical disc, ania maralas lang mikakaprublema king pamamasa king data uling kareng gasgas, bakas da reng taliri, ampong aliwang prublemang ibat king paligid.         

Keraklan, maki lapad (''diameter'') lang 7.6 ampong 30&nbsp;cm (3 anggang 12&nbsp;pulgada) deng optical disc, nung nu ing 12&nbsp;cm (4.75&nbsp;pulgada) ing pekamaralas a dagul. Keraklan, maki kapal yang 1.2&nbsp;mm (0.05&nbsp;pulgada) ing disc, kabang ing track pitch (dayu manibat king libutad ning metung a daralanan o track angga king libutad ning tutuki) keraklan 1.6 [[µm]] (microns) ya.  

Metung kareng atlung recording type o uri ning pamagsimpan ing susuportan ning optical disk: read-only (alimbawa: [[CD]] ampong [[CD-ROM]]), recordable (write-once, alimbawa [[CD-R]]), o re-recordable (rewritable, e.g. [[CD-RW]]). Deng write-once optical disc keraklan atin lang organic dye recording layer king pilatan ning sangkap a atiu lalam o substrate ampo ing tumpak a masasalamin o reflective layer. Deng rewritable disc keraklan atin lang [[alloy]] recording layer (tumpak a gawa king samut ning metal) a bibilugan ning [[phase change]] material, a keraklan [[AgInSbTe]], a pisamut a [[pilak]], [[indium]], [[antimony]] ampong [[tellurium]]<ref>{{Cite web |title=Guides/Storage/CD-R/CD-RW - PC Technology Guide |url=http://www.pctechguide.com/33CDR-RW_CD-RW.htm |accessdate=2009-10-27 |archivedate=2009-03-30 |archiveurl=https://web.archive.org/web/20090330222151/http://www.pctechguide.com/33CDR-RW_CD-RW.htm }}</ref>

Keraklan, gagamitan la reng optical disc king pamagsimpan king tigtigan o musica (alimbawa bang patigtig king [[CD player]]), video (alimbawa bang patigtig king [[DVD player]]), o data ampong programs para kareng [[personal computer]]. Ing [[Optical Storage Technology Association]] (OSTA) susuportan no reng standardized optical storage format. Lipat ning mas matibe la reng optical disc kesa kareng minunang format a audio-visual ampong data storage (pamagsimpan data), maliari lang masira uling king aldo-aldong pamangamit ampong uling king paligid. Deng aklatan ampong simpanan (''archive'') papaliari lang kaparalanan para king pamagpanatili kareng optical media (''optical media preservation procedures'') bang lumuat lang maliaring basan deti kareng optical disc drive da reng computer o kareng makayagpang a disc player.  

Para king computer data backup ampong physical data transfer, miyayalilan na la deng optical disc antimo reng CD ampong DVD kareng mas mabilis, mas malati ampong mas ayasahan a gamit a solid state, lalu na deng [[USB flash drive]]. Mapaliaring taglus-taglus a marapat iti, lalu na uling daragul ing laman a daralan da reng USB flash drive, at mimumura la reti. Makanian murin, deng personal portable CD player miyayalilan lang portable solid state [[MP3 player]], at ing [[MP3]] music a mesali king Aptas o Internet mekabawas king bilang da reng audio CD a masasali banua-banua.    

== Dalerayan ==
<references/>
* {{cite web |title=Inventor of the Week Archive: The Digital Compact Disc |publisher=Massachusetts Institute of Technology |date=December, 1999 |url=http://web.mit.edu/invent/iow/russell.html |accessdate=2007-07-13 |archivedate=2003-04-17 |archiveurl=https://web.archive.org/web/20030417162935/http://web.mit.edu/invent/iow/russell.html }}
* {{cite web |title=Scientist's invention was let go for a song |publisher=The Seattle Times |date=November 29, 2004 |url=http://seattletimes.nwsource.com/html/businesstechnology/2002103322_cdman29.html |accessdate=2007-07-13 |author=Brier Dudley }}
* {{cite web |title=David Gregg and the Optical Disk |publisher=About.com |url=http://inventors.about.com/library/inventors/blopticaldisk.htm |accessdate=2007-07-13 |archivedate=2020-08-19 |archiveurl=https://web.archive.org/web/20200819105952/https://www.thoughtco.com/david-gregg-and-the-optical-disk-1992209 }}

== Karagdagang babasan ==
* Byers, Fred R. (2003). ''[http://www.itl.nist.gov/iad/894.05/docs/CDandDVDCareandHandlingGuide.pdf Care and Handling of CDs and DVDs — A Guide for Librarians and Archivists]''. [[National Institute of Standards and Technology]].

== Suglung palual ==
{{Commons category|Optical discs}}
* [http://www.osta.org Optical Storage Technology Association]
* [http://www.memorex.com/downloads/whitepapers/Reference%20Guide%20for%20Optical%20Media%209-9.pdf Reference guide for optical media] {{Wayback|url=http://www.memorex.com/downloads/whitepapers/Reference%20Guide%20for%20Optical%20Media%209-9.pdf |date=20090711175011 }} by Terence O'Kelly (Memorex Inc.)

{{Optical storage media}}

{{DEFAULTSORT:Optical Disc}}
<!-- interwiki -->

[[Category:Compact disc]]
[[Category:DVD]]
[[Category:Optical disc authoring]]
[[Category:Optoelectronics]]