Thomas Harriot
| Thomas Harriot | |
 Laráwan a sasabian dang kang Thomas Harriot (1602) kanu, a makasábit king Trinity College, Oxford.[1] | |
| Mibait | c. 1560 Oxford, Inglaterra |
|---|---|
| Mete | 2 ya ing Julio 1621 (edad 60–61) London, Inglaterra |
| Kapanintunan/propesion | Astrónomo, matemático, etnógrafo, talalikas |
I Thomas Harriot (circa 1560 – 2 ya ing Julio 1621), a misusúlat múring Harriott, Hariot ó Heriot, métung yang Ingles a astrónomo, matemático, etnógrafo ampóng talalikas a yang sasabian dang pénibatán ning teoria ning refracción (refraction). Kikilalánan dé murin i Thomas Harriot karéng kayang ambag karéng kaparalánan ning pámagláyag, at kayábé néng ménigóbra i John White a gínawang makabáyung mápa para king pámagláyag. Dakal ya man pénigóbran a kasulátan i Harriot tungkul king astronomía, matemática ampóng pamaglayag, dítak lá mú déng bilalag na karéti, kayábé né ing The Briefe and True Report of the New Found Land of Virginia (1588).[2] Atin yang pámilaráwan ini karéng balen da ampong pamicualta deng Ingles king Virginia kanita.[2] Ya múrin ing sasabian dang migdala king patátas king Britania.[3] Ya ing múmúnang táwung gínulís king Bulan kapamílatan ning pámagláwé king telescopio, anyang 5 ya ing Agosto 1609, manga ápat a búlan báyu i Galileo Galilei.[4][5]
- ↑ A Tale of Two Portraits. A Note on Two Alleged Images of Thomas Harriot (April 2000).
- ↑ 2.0 2.1 Cite error: Invalid
<ref>tag; no text was provided for refs namedMoran2014 - ↑ Sir Walter Raleigh – American colonies.
- ↑ Celebrating Thomas Harriot, the world's first telescopic astronomer (RAS PN 09/47). Royal Astronomical Society (2011).
- ↑ Boyle 2024, pp. 183-191.