Adolf Dassler

Adolf Dassler
Mibait	3 ya ing Noviembre 1900 Herzogenaurach, Imperio ning Alemania
Mete	6 ya ing Septiembre 1978 (edad 77) Herzogenaurach, Albugang Alemania
Kapanintunan/propesion	Mítátag king Adidas
Asawa	Käthe (née Martz) (17 ya ing Julio 1917 – 31 ya ing Diciembre 1984)

I Adolf "Adi" Dassler (3 ya ing Noviembre1900 – 6 ya ing Septiembre 1978) métung yang Aleman a gágawang sapatus, inventor, ampóng negocianting mítátag king companiang Aleman a gágawang susúlud king pasiknangan (sports) a Adidas. Wáli néng Rudolf Dassler, ing mítátag king Puma. Migdalá yang báyung kaparalánan king pámag-diséniung sapátus i Dassler, ampóng métung karéng promotor a kúkuang pámag-endorso ibat karéng mámialung ó atleta báng miragdagan ing pámanialí king karélang productu. Tinikdó néng Adi Dassler ing maragul díling gágawang susúlud ampóng gagamítan king pásiknangan. Anyang maté ya, atin yang labingpitung fabrica ing Adidas, ampong banwáhan a pánákitan a métung a biliung marks.