Aguman nang San Pio X

Ibat king Wikipedia
Aguman nang San Pio X
PamikuyadSSPX
MottoChristus vincit, Christus regnat, Christus imperat (Christ Conquers, Christ Reigns, Christ Rules)
Alkus1970
UriCatholic priestly society
Pun TanggapanMenzingen, Switzerland
Superior GeneralObispu Bernard Fellay
Manimunang tauArsobispu Marcel Lefebvre — talatátag
Karinan Aptas (Website)www.fsspx.org

Ing Aguman nang San Pio X (Society of Saint Pius X o SSPX) metung yang internasyunal a tradisyunalistang Katolikung organisasyun a tetag na anyang 1970 ning Pranses a arsobispung i Marcel Lefebvre. Ing opisyal nang lagyu ning aguman, Fraternitas Sacerdotalis Sancti Pii X, a mangabaldugang "Pangparing Pamikakapatad nang Pio X" ("Priestly Society of Saint Pius X"). Masikan yang talapamingwa o taladepensa Misa Tridentino ing aguman, bukud kareng debosyun, paniwala, kostumbri ampong disiplinang pangrelihyun a maralas miyuyugne king panaun bayu ing Kadwang Konsehung Vaticano, a king paniwala ning aguman, mágtaguyud kareng pamanurung e ustu.

Dineklara nang Papa Benedicto XVI a para kareng sangkan a pangdoktrina at e uling king pamagdisiplina, ala yang kabilyan a pangkanonika king Pisambang Katolika ing SSPX, at uli na niting keyalan kabilyan a pangkanoniku, e la legal king Pisamban deng ministeryu da reng kayang ministru.[1] Nanupata, sinabi ning superior general ning aguman a agpang king dapat na, babye yang pamikilala ing Santa Sede king legal ampong balidung pangayatsu ampong ministeryu da reng pari ning Aguman.[2]

Meging pekamabayat ing tensyon kapamilatan ning aguman ampo ning Santa Sede (Holy See) kanitang 1988, anyang migkonsagra yang apat a obispu i Arsobispu Lefebvre laban king kautusan nang Papa Juan Pablo II, at uli na niti, medeklara lang eskomulgadu deng obispung migkonsagra o mekonsagra, metung a eskomunyon a mibawi karetang mabye pa anyang Enero 2009[3] kayabe ning mebanggit a kapanayan a magbalik la reng kayanib king ganap a komunyon o pamiugnayan (full communion).[4][5]

Mika pormal a diskusyun kapamilatan ning Santa Sede ampo ning aguman anyang 2009 at miras king kritikal a dake anyang 2012. Kanitang 6 Setiembre, minyad yang karagdagang panaun ing aguman ba neng isadya ing opisyal nang pakibat kareng munikalang miyapag anyang 13 Junio. Agpang king Pontifical Commission a "Ecclesia Dei", "Kaybat da reng atlung pulung banwa ning pamikawani, malyaring intindyan a kaylangan ing panaun ba lang ataluse kabaldugan deng bayung milyari. Uling kapagnasan nang Papa Benedicto XVI ing isundu ya ampong panatilyan ing pamisanmetung ning Pisamban kapamilatan ning pangatupad ning malwat nang panayang pamagbalik ning Pangparing Pamikakapatad nang San Pio X king Sede nang Pedro – metung a makabye pansing a alimbawa ning pamirapat ning munus Petrinum in action – kaylangan ing pamibabata, kataimikan pilubluban, tyaga ampong tiwala." ("After thirty years of separation, it is understandable that time is needed to absorb the significance of these recent developments. As Our Holy Father Pope Benedict XVI seeks to foster and preserve the unity of the Church by realizing the long hoped-for reconciliation of the Priestly Fraternity of St. Pius X with the See of Peter – a dramatic manifestation of the munus Petrinum in action – patience, serenity, perseverance and trust are needed.")[6]

Dalerayan[mag-edit | alilan ya ing pikuwanan]

  1. "The fact that the Society of Saint Pius X does not possess a canonical status in the Church is not, in the end, based on disciplinary but on doctrinal reasons. As long as the Society (of St Pius X) does not have a canonical status in the Church, its ministers do not exercise legitimate ministries in the Church" (Pope Benedict XVI, Letter of 10 March 2009 to the Bishops of the Catholic Church concerning the remission of the excommunication of the four bishops consecrated by Archbishop Lefebvre).
  2. According to an article on The Remnant (newspaper), Bishop Fellay cited as evidence replies of the Holy See to SSPX priests regarding absolution from reserved sins, which in fact, since 1983, no longer exist, and the fact that SSPX priests are allowed, after reconciliation, to function as priests, as are, for instance, eastern Christian priests received into the full communion of the Catholic Church.
  3. Decree of Excommunication
  4. Pope lifts excommunications of Lefebvrite bishops
  5. Pope Benedict lifts excommunication of bishops ordained by Lefebvre. Archived from the original on 2009-06-01. Retrieved on 2013-02-27.
  6. IN LINGUA INGLESE Declaration of the Pontifical Commission "Ecclesia Dei" 27.10.2012. Archived from the original on 2012-11-01. Retrieved on 2013-02-27.

Ding suglung palual[mag-edit | alilan ya ing pikuwanan]

Template:Catholic congregation Template:Traditionalist Catholicism