Aldo ning Misásanmetung a Bangsâ

Ibat king Wikipedia
Jump to navigation Jump to search

Ngeni Ka-24 Aldo ning Oktubri, 2005, Anam neng Pulung Banua keng pangatatag na ing Buklud ning Misanmetung a Bansa, United Nations Organization. King kayang pamagmasusi oini ing Payabut ning Pekapun, Kofi Annan ...

" Ngeni, kabang pagmasusian taya ing Ka-60 banua ning UN, sukat tang kilalanan ing maragul nang keyaliwa ning yatu ngeni ketang panaun da ring kekatang inpung-menatagan.

Ing UN sukat neng iyaninag ning bayung panaun, at magpang ya karing kayang panyubuk - kayabe, mumuna at pekamabayat, ing kebaluan a dina-dinalan lang milyun a tau ring makayarap a alang laban king danup, sakit, ampong kapanyiran king kapadurutnan, agyang ing yatu atyu kaya ing kegiwan, bankanita asagip nala.

Ketang milabas a bulan, ring manimunu king yatu mikit la New York bankanita sumubuk at mibalangkas lang pisanmetung a pamanarap karening panyubuk.

Ring manimunu karing bansa, mabandi at maluka, mengakuanan la karing eganaganang kasunduan a nung mipairal ngan malyaring bosnan na ing kakaluluan anggang 50%, king kilub ning apulung banua.

Apikasundu rang manalakad bayung dake ning UN a mipaglualu karing katuliran pantau ampon manalakad pang-maluatan kapayapan karing bansang mengasalanta karing labanan.

Mengaku lang labanan ing miyayaluang kabusakalan, gawang piyabeyabe paralan nung kailangan, bankanita milisya la ring bansa keng "genocide" (pamaglinis layi) at alwa pang makasindak a kasalanan.

Apakiyarian dang gawang pamagbayu king UN Secretariat.

Oneng keng pamanalwa ning panaun, climate change at Security Council mangaina lang amanu ring karelang agawa. At king nuclear proliferation at pamaglako- sandata, disarmament, ala lang bitasang apikasunduan.

Likuananan dakaming marakal a obrang gawan. Ngeni, kabang pagmasusian tamu ing ka-60 banua nining binang kailangan a Telakaran, pangaku ku kekayung daptan ku ing dake ku. At magtiwala kung, ikayu, anting mamamayan ning yatu, gawan yu ing kekayu."

Ding suglung a palual[mag-edit | alilan ya ing pikuwanan]