Anak ning Arenas
Ing Anak ning Arenas metung yang Kapampangan watas.
Talambie
[mag-edit | alilan ya ing pikuwanan]Ing Anac Ning Arenas mibait ya qng Baryu Arenas, Arayat ketang Eneru 8, 1956. Ing pengari nang lalaki (Binu), a metung Ortelanu, taal yang tubu qng Arenas. Ing pengari na namang babai (Aning), a magmantining malating tindaan keng bale kanitang kasalungsungan nang daragul, tubu yang Magalang.
Megumpisa yang misulat poesiang Capampangan iniang sinulat ne ing “Corido Ning Arenas” quetang 2007, ing istorya ning baryung quebaitan na at ding queyang cabaryu.
Meingganyu yang lalung sumulat caibat nang mequi-agum queng Academia Ning Amanung Sisuan, International (ANASI) a pinundar at panimunuan nang Ernesto C. Turla, quetang Marso 30, 2009, queng pangumbira nang Tang Ernie Turla mismu. Canita ne megumpisang sinulat para qng amánung Kapampángan, inspiradu queng kapagnasan nang abalu neng masalese ing Amanung Menan.
Aquilala neng minuna y Tang Ernie Turla queng YouTube quetang Marso 15, 2009, pauli ning panintunan ne ing original a misulat queng "Ecu Pa Quelinguan", nung sanung guewa nang padrun queng sinulat nang hawig a canta, "Iniang Malati Cu".
Nanung pangapamulala na at pangapaquirut iniang abalu nang ing misulat pala queng alang kamatayang canta alang aliwa nune ing cabaryu na at cumpari nang Tatang na - ing meangubie Poeta Antonio Canlas y Guevarra.
Aquilala ne mu naman ing Columnista keng diyariu, y Poeta Felix M. Garcia, a akaluguran na at meging maganacang tala-payul keng makasactung sukad at rima ning pamamoesia.
Idulu nala at inspirasyun ning Anac Ning Arenas ding melapupuring Poeta Jose M Gallardo ning Candaba at Poeta Bernardino Muldong ning Sta. Ana, manibat pa ketang decada 60, nung nu da la alang salang pakirandaman mitata keng Crissotan qng DZAB iniyang panaun a'itang kasalukuyan na pang magaral keng elementarya.
Ding kayang kinudta
[mag-edit | alilan ya ing pikuwanan]
Iti metung yang suli tungkul keng Kapampangan watas at malyari meng pasantingan, dagdagan, itulid o samasnan.