Apang psyllium

Ibat king Wikipedia
Jump to navigation Jump to search
Apang psyllium
Psyllium seed husks.JPG
Scientific classification
Kaarian: Plantae
Familia: Plantaginaceae
Genus: Plantago

Deng Apang psyllium (psyllium seed husks), a awsan da mu namang ispaghula, isabgol, o psyllium,, dake da la o parting apá, deng butul o bini ning tanaman a Plantago ovata, (genus Plantago), a katutubu king India. Deti hygroscopic la, at kakapal la lalbag at maging malasipun. Rerekomenda ning Ayurveda ing pamangamit kaniti para king pamaglinis king bituka ampo king regular a pamagbawas ampo king mas masanting a sirkulasyun ning daya.

E malalaso king katawan ing kakanan a apang psyllium, at iti malyaring pikwanan tiban king kakanan (dietary fiber). Gagamitan iti bang munye kapasnawan king masyas a pamagbawas, iritabling pamagbawas, ampong pamagbulus. Gagamitan ya mu namang pandagdag king kakanan (dietary supplement) bang saupan ampong panatilyan ing regular a pamagdalan king sistemang gastrointestinal (ing daralanan ning kakanan). Ing e malalasong sangkap ning keraklan king king apa babye yang e manaliwang solidung sangkap nanu la man deng aliwang aspetu ning kakanan o sakit ning bituka. Agpang king bayung pamanyalugsug (recent research) masanting ing epektu ra king pamagpababa king cholesterol ampo king pamag-kontrol king diabetes.[1]

Kayabe kareng aliwa nang gamit ing pamag-ornung alang gluten (gluten-free baking), nung nu ra kukwanan o sisipsipan deng apang psyllium ing danum o mabasa, at sasaup iti bang e gad misasalbag o matatagtag ing tinape.

Magagamit la reng apa king natural dang kabilyan, o palangyan da la ampong dadaldakan at gagawan da lang polbu, ba lang mas malagwang kanan. King sanu man kareng pormang deti, kakanan la kapamilatan ning pamanyamut king danum o aliwang likidu.

Malyari la muring inuman antimong capsule. Deng masasali king bitukang pampalambut pamagbawas, ampo reng fiber supplement, antimo reng Metamucil, Colon Cleanse, Serutan, Fybogel, Bonvit, ampong Effersyllium, atin lang apang psyllium antimong pekamaulagang sangkap.

Malyari la mu namang isamut deng apang deti kareng aliwang sangkap. Alimbawa, neng kayi, sasamut da ing pulut a Blackstrap (Blackstrap molasses) kareti uli ning kayang matas a laman a mineral ampong bitamina, bukud king masanting yang talapagdala. Ing karaniwan a dosis kaniti, metung anggang atlung kutsarita balang basu ning danum. Malyari lang gamitan deng butul psyllium, oneng mas mura la. Ing standard a dosis, 3.5gm a linaso king 250 ml a danum.

Agpang king U.S. Food and Drug Administration (FDA), maki malinong pakinabang ing pamamangan king apang psyllium[2] at babawasa na ing panganib ning sakit king pusung coronary (coronary heart disease o CHD). Uli na niti, malyari nang bawasan ning psyllium ing panganib ning CHD.

Dalerayan[mag-edit | alilan ya ing pikuwanan]

  1. Medline plus
  2. http://www.fda.gov/Food/LabelingNutrition/LabelClaims/HealthClaimsMeetingSignificantScientificAgreementSSA/ucm074351.htm
Commons-logo.svg
Ing Wikimedia Commons atin yang mediang maki kaugnayan kang/king: