Assem Qanso

Ibat king Wikipedia
Jump to navigation Jump to search

Template:Section OR

I Assem Qanso (عاصم قانصوه‎, mibait aniang 1937 king Baalbek) metung yang politico ning Lebanon. Ing kayang relihion, Shiite Islam. Ya ing pekapun ning partidong Lebanese Baath.

Mikiabe ya king Lebanese Baath kanitang 1953. Aniang guerrang civil king Lebanon, mepitna ya ing Lebanese Baath kareng aduang grupung milalaban, metung a makakampi king Iraq, ampong metung a makakampi king Syria. Metung ya kareng makampi king Syria i Qanso. Pikabaluan ya kareng panga-brutal da reng kayang discursu. Pematacutan ne king arap ning malda i Walid Jumblat aniang misan a sesion ning parlamento, kanitang Noviembre 6, 2000. Dakal lang mituring a bala ya o capiadian a paten ya i Jumblatt ini, aniang panaun a magi yang malapit king oposicion

Sinuporta ya king publico i Qanso king pamagpakaba king mandado nang Émile Lahoud, at masikan neng pepaturanan ing katatagan o resolucion a 1559[mangailangangan yang sitas/suporta]. Inataque ne i Jumblatt king pisasabian a iti king kareng makatuking amanu: : "Mipaku ka king cruz babo ning basurahan ning kasalesayan antimong sagisag ning kekang kayalang utang a lub, ning kekang pagulut a pamaniaksak" at binalan neng "maliari ra kang ayabut deng militanti" at inaus neng "tiktik para kareng aliwang bangsa". Kaibat ning pamakamate kang Hariri, sinalungat ya king revolucion a cedro at e ya miyalal pasibayu king parlamento aniang Mayo 2005.

Miyari ya i Assem Qanso king panga-iniero king University of Zagreb (mina ampong geologia) at kaibat miyari ya king Petroleo ampong Geologia king Romania. E dapat pagkamalian kang Ali Qanso, ing pekapun ning SSNP.