Asugi

Ing asugi (mercury) king Ingles metung yang [[elementung kemikal]] a maki sagisag a Hg ampong bilang atomikung 80. Mayayaus ya mu namang quicksilver o hydrargyrum (ibat king "hydr-" danum ampong "argyros" pilak). Metung yang mabayat ampong malapilak a d-block a elementu ing mercury. Iti mu kabud ing metal a likidu kareng karaniwan a kabilyan para king temperatura ampong prisyun (standard conditions for temperature and pressure); ing bukud mung elementung likidu kareng kabilyan a reti ya pin ing bromine, dapot deng mapilan a metals antimo ing caesium, francium, gallium, ampong rubidium malalaso la king temperaturang matas mung bagya kesa king karaniwan a temperatura (room temperature). Uli ning kayang puntu ning pamagyelu (freezing point) a −38.83 °C ampong puntu ning pamamukal (boiling point) a 356.73 °C, metung ya kareng pekamakitid a lapad ning estadung likidu ning sanu mang metal.^[1]^[2]^[3] Atyu ing asugi kareng depositu king keraklan king yatu antimong cinnabar (mercuric sulfide). Ing malutung panguleng (red pigment( a vermilion gagawan de kapamilatan ning pamag-reduce o reduction ibat king cinnabar. Matalik makalasun ing cinnabar kapamilatan ning pamamangan kaniti o pamanyingut king alikabuk. Malyari mu namang malasun kapamilatan ning miririnan uri ning asuging malalaso king danum (antimo king mercuric chloride o methylmercury), pamanyingut king asuk ning asugi (mercury vapor), o pamamangan asan danum ibat dayat malat a maki asugi (eating seafood contaminated with mercury). Magagamit ing asugi kareng pang-garadu o termometro (thermometer), barometro, manometer, sphygmomanometer, float valve, mercury switch, at aliwa pang kasangkapan, dapot uling king kapigaganakan king pangalasun ning asugi, alilan danala deng pang-garadu ampong sphygmomanometers, at alis danalang instrumentung mitmung alcohol o [galinstan]], o kaya digital, o makabasi king thermistor. Magagamit ya pa murin king pamangamit pamanyalugsug a siyentipiku (scientific research applications) ampo king [[amalgam (dentistry)|amalgam]] a sangkap para king pamagpasta da reng dentista. Magagamit ya para kareng sulu: ing elektrisidad a dadalan king asuk asugi o mercury vapor king tubong phosphor maglalang yang short-wave salang ultraviolet (ultraviolet light), at iti maging sangkan bang ing phosphor mag-fluoresce, at panibatan na niti ing mayayakit a sala o visible light.

Dalerayan

↑ {{cite web|url=http://antoine.frostburg.edu/chem/senese/101/inorganic/faq/why-is-mercury-liquid.shtml%7C title=Why is mercury a liquid at STP?| accessdate=May 1, 2007| publisher=General Chemistry Online at Frostburg State University| author=Senese, F}}
↑ Cite error: Invalid <ref> tag; no text was provided for refs named Norrby
↑ (2005) in Lide, D. R.: CRC Handbook of Chemistry and Physics, 86th, Boca Raton (FL): CRC Press, 4.125–4.126. ISBN 0-8493-0486-5.