Bagawak

Ibat king Wikipedia
Jump to navigation Jump to search
Bagawak
Vaginalis.jpg
Scientific classification
Kaarian: Plantae
(unranked) Monocots
(unranked) Commelinids
Orden: Commelinales
Familia: Pontederiaceae
Genus: Monochoria
Species: M. vaginalis
Binomial name
Monochoria vaginalis
(Burm.f.) C.Presl ex Kunth

Ing bagawak (Monochoria vaginalis) metung yang uri ning tanaman a manyampagang kayabe king familia Pontederiaceae (water hyacinth family). Iti ausan deng heartleaf false pickerelweed ampong oval-leafed pondweed king Ingles, ampong gabing uwak king Tagalug. Katutubu ya king maragul a dake ning Asia ampong kareng dakal a isla ning Pacifico, at balu re kareng dakal a aliwang lugal antimong species a midala karin, at keraklan metung a makaperwisyung dikut. Metung yang tanaman king danum, at maralas, sasakupan no reng asikan ampong aliwang lugal a natural a maki danum. Metung yang yerbang (herb) a banwahan (annual) o pilmihan (perennial) a tutubu king danum manibat king malating rhizome. Miyayaliwa ya itsura o pamibalangkas. (morphology) Miraras lang anggang 12 sentimetru kaba deng makintab nang bulung, a 10 sentimetru lapad, at makabili la kareng alang laman kilub a petiole. Maki atlu la anggang 25 sampagang alus agnan-agnan mibubukadkad king lalam danum. Ing balang metung atin yang kule ubi-iro/asul a tepal a maygit metung a sentimetru kaba at maki dakal a butul a mangalati ampong maki pakpak. Ing balang bunga metung yang capsule a metung a sentimetru kaba at maki dakal a mangalating butul a maki pakpak.

Suglung palwal[mag-edit | alilan ya ing pikuwanan]