Bamban

Ibat king Wikipedia
Jump to navigation Jump to search
Bamban
—  Municipality  —
DoloresGrottoBambanjf7753 12.JPG
Bamban is located in Philippines
Bamban
Location within the Philippines
Coordinates: Template:CountryAbbr2 15°17′N 120°34′E
Country [[]]
Region Central Luzon (Region III)
Province [[]]
District 3rd District
Founded 1710
Barangays 15
Gubiernu [1]
 - Mayor Jose Antonio Tiglao Feliciano
Lualas [2]
 - Kabilugan 97.3 sq mi (251.98 km2)
Populasiun (2010)[3]
 - Kabilugan 62,413
 - Populasiun Pangasiksik 641.5/sq mi (247.7/km2)
Time zone PST (UTC+8)
ZIP code
Income class 2nd class

Ing Bamban catlu yang clasing municipiu queng probinsiya Tarlac mauli* neng puertu uli ning tauling memakbung a volcanu mepilit lang migbakwit ding keyang tau Kinse lang sakup nang memaryu ding baryu San Rafael, Lourdes, Poblacion, Malonzo Anupul, Banaba, Bangcu, Santo Niño Dela Cruz, San Roque, Pacalcal, San Pedro San Vicente, La Paz, Culubasa, tau.

Amlat[mag-edit | alilan ya ing pikuwanan]

Dakal pang panaun bayu la dintang reng pakatuknang,ining karinan a meyaus a balen Bamban, malapad yang gabun a erapa pintalan deng memalen papuntang aslagan, at king bandang albugan ding pulu, mangatas a tanaman epa mengatagin, at kabundukan ning Zambales. Ing makapal a pulu at bunduk,ding Aetas ilang pakatuknang at mayayaus lang Baluga kareng taga karin at ding Sambal a mabibie kareng asan at karing ayup a atsu karin at karing king bunduk. Neng minsan, deng mangasikan a lub a manibat Kapampangan at probinsyang Tagalug, keraklan deng negosyanting Isik, magsikan lang lub para miras king pangulu papuntang Capas ampong Tarlac.

Bayu la dintang deng Kastila, atin ditak a Kapampangan a megdatun karin,a me-akit o enganyu king matabang gabun para asikan at ing ilug a kikislap anti mong pilak at didilig king eganaganang gabun karin para taba at sumanting ing pupul. Ding minunang manuknangan, megumpisa lang meglinis paritak-ritak karing king makapal a tanaman a bamban a nung nu tatakap manibat ilug papuntang king kabundukan. Uli da ring tanaman areni ing lugal o karinan meyaus yang Bamban.

Ing Bamban metung yang pekamalating diling balen ning probinsiyang Tarlac. Uling iya ing peka-mauli(peka-amian)balen ning Tarlac, pareu la gulis sepu ning Mabalacat, Pampanga, at king albugan yapin ing Zambales. Ing Ilug Parua, ya ing sepu na at iyang panibatan ning paranum, pamangan, balas at grava pangawang proyectu pang straktura. Ing malabundukin a atsu king albugan iyang halus kadua/atlung dake ning eganaganang gabun ning Bamban, a dati yapin ing US Military Reservations. King banda king mesabi atsu mu rin ding BLISS projects at king pangulu ing MAR settlement project, nung nu laganas ing ganapan at ing pikuanan kapanintunan at mamie pamangan king mabilug aRehiyon III.

Ding tau dintang na lang dintang at memaglinis la king gabun at pulu, at e migluat mika balen. Inyang mga 1700, ding Agustinian Recollects dintang la at tetag de ing "Mission de Pueblos de Bamban". Ing balen aini king panaun a ita kayanib ne pa ning Pampanga. Inyang 1837, mika bayung sepung gulis nung nu re gewa ing Bamban a kayabe ne ning probinsiyang Tarlac angga man ngeni.

Ini mekilala yang bilang balen a makatala neng ning pamuntuk balen (gobernadorcillo)king balen Tarlac. Y Don Martin Sibal mitulduan ya bilang pamuntuk a mipalagyuan at midinan rankung "Capitan". Ding mumunang menuknangan ilapin deng miki apelidung Sibal, Lugtu, Dayrit, Macale, Vergara, Manipon, at Dela Cruz.

Inyang aklasan na ning 1896, ing Bamban metung ya karing mumunang balen a migalsa laban ka reng Kastila. King mauling-albugan ning balen keta king malabundukin, atin pang makatagan nung nu la migsale at migkuta ring mangatapang nang anak ning balen Bamban a mikyabe kang Gen. Servillano Aquino inyang mika aklasan king Tarlac. Angga pa ngeni, ating dake king malabundukin a ausan dang "Batiawan" o king amanung Inglis a "look out point". Dakal lang anak megbuwis keng bie ra para king Katimawan ning balen.

Inyang datang la ring Americanu inyang 1900, ing malating balen meging yang mumusbung a balen. Ing Bamban Sugar Central mitatag ya at memye dagdag king kayang pamagluid. Y Don Pablo Lagman yang mumunang mitulduan a presidente at y Don Laureano Campo bilang kaduang-pamuntuk king lalam ning American military government. Ding aliwang sikat a pamilya kaibat na nita ila naman ding menungkulan king gubiernu. Inyang panaun ning Commonwealth, deng Sibal, deng Lumboy, deng Santos, deng Punsalang, masaya lang menungkulan anggang inyang siniklab ing Kaduang Meto-Yatung Guerra.

Barangay[mag-edit | alilan ya ing pikuwanan]

  • Anupul
  • Banaba
  • Bangcu
  • Culubasa
  • Dela Cruz
  • La Paz
  • Lourdes
  • Malonzo
  • San Nicolas (poblacion)
  • San Pedro
  • San Rafael
  • San Roque
  • San Vicente
  • Santo Niño
  • Virgen de los Remedios (Pacalcal)


Images[mag-edit | alilan ya ing pikuwanan]

Delarayan[mag-edit | alilan ya ing pikuwanan]

  1. Official City/Municipal 2013 Election Results. Commission on Elections (COMELEC) (1 July 2013). Retrieved on 11 September 2013.
  2. Province: Tarlac. PSGC Interactive. National Statistical Coordination Board. Retrieved on 28 November 2012.
  3. Total Population by Province, City, Municipality and Barangay: as of May 1, 2010. 2010 Census of Population and Housing. National Statistics Office. Retrieved on 28 November 2012.

Suglung Palwal[mag-edit | alilan ya ing pikuwanan]

Commons-logo.svg
Ing Wikimedia Commons atin yang mediang maki kaugnayan kang/king:
Deng Lakanbalen ampong Balen ning Tarlac
Lakanbalen: Tarlac Lakanbalen
Balen: Anao | Bamban | Camiling | Capas | Concepcion | Gerona | La Paz | Mayantoc | Moncada | Paniqui | Pura | Ramos | San Clemente | San Jose | San Manuel | Santa Ignacia | Victoria