Beiteddine

Ibat king Wikipedia
Beit ed-Dine (بيت الدين)
Kapanibalan (Administracion)
Bangsa Flag of Lebanon.svg
Governorate Mount Lebanon Governorate
Distritu Chouf District

Ing Beit ed-Dine (king Arabu بيت الدين, a mangabaldugang "Bale ning Relihiun") metung yang malating balen ning Lebanon king Chouf (Distrito), a manga 50 km king mauli- aslagan ning Beirut at malapit king balen ning Deir el-Qamar, nung nu ya mikakawani kapamilatan ning matarik a libis. Pikabaluan ya ing balen king kayang engrandeng Palacio ning Beiteddine, nung nu ya mararapat ing Beiteddine Festival balang kaleldo.

Inumpisan neng tinikdo ning local a emir Bashir Shihab II, a kaibat mituldung talan king Bunduk Lebanon, aniang 1788, ketang lugal ning ermitang Druze (a yang penibatan ning lagiu ning balen, a mangabaldugang "Bale ning Kasalpantayanan"). Atlu reng pulung banuang gagawan iti. Megobra la reng biasang diling talagawa ibat king Damascus ampong Aleppo, bukud kareng arquitectung Italianu, a miyagkat at mirinan dakal a katimawan, ania ing kayang estilo, anti yang piabeng Italianung baroque ampong Arabu.

Kaibat ning 1840, nung kapilan de tinabi king kilual i Bashir, ginamit de reng Ottoman ing palacio antimong gusaling pangkapamahalan. Aniang panaun ning Mandato ning Francia, menatili ya ing gusali antimong upisinang pangkapanibalan. Kanitang 1934, mibulalag yang monumentong pambansa. Aniang 1943, gewa neng oficial a tuknangan nang pang-kaleldong Bechara El Khoury, ing mumunang pamuntuk ning Lebanon. Aniang gerang civil king Lebanon, mesira yang mayap. Kaibat ning 1984, aniang meritak ing labanan banda keti, inutus nang Walid Jumblatt ing kayang ing kayang pamaglarin. Makabusni la king malda deng mapilan nang dake ning palacio, kabang ing makatagan, tuknangan ne pa muring pangkaleldo ning pamuntuk.

Atlu la pa deng palaciong tinikdo nang Bashir para kareng anak na, dapot ngeni, ing Palaciong Mir Amin mu ing mitagan, at metung yang luxury hotel ngeni.

Ating Lebanese Red Cross First Aid Center king Beiteddine.[1]

Dalerayan

Suglung palual

Coordinates: 33°41′43.97″N 35°34′45.13″E / 33.6955472, 35.5792028