Bsharri

Ibat king Wikipedia
Bsharri (بْشَرِّيْ)
Ing Bsharri, a mababatio pataglus king libis ning Qadisha (makayarap king albugan).
Ing Bsharri, a mababatio pataglus king libis ning Qadisha (makayarap king albugan).
Ing Bsharri, a mababatio pataglus king libis ning Qadisha (makayarap king albugan).
Kapanibalan (Administracion)
Bangsa Flag of Lebanon.svg
Governorate North Governorate
Distritu Bsharri District
Geography
Lua error in Module:Location_map at line 501: Unable to find the specified location map definition: "Module:Location map/data/Lebanon" does not exist.
Coordinates
Elevation 1,650 m (5,413 ft)

Ing Bsharri (a misusulat muring Becharre, Bcharre, Bsharre; بْشَرِّيْ‎), metung yang balen king Lebanon a maki kátas a 1,650 m, a malapit king Libis ning Kadisha. Atiu king 34°15′5″N 36°5′50″E / 34.25139, 36.09722, king Bsharri (Distritu), king North Governorate. Atiu ya mu king lalam ning kakeua o pulu/gubat a cedro ing Bsharri. Keti ya mibait ing pikabaluan a poeta, talapinta, ampong escultor, i Khalil Gibran, a atin na ngening museo king balen a magparangal kaya.

Ing Bsharri karinan ne ning balayan da reng tau Fenicia kanitang minunang panaun. Mika santungan la keti deng Cristianong Maronite a tatakas king pamanalipit kareng kayang kabundukan kanitang kapitung dilanua o siglo AD. Ing Libis ning Kadisha, king lalam ning balen, megi yang centrung espiritual ning Pisamban a Maronite. Balu de reng Crusader ing balen king lagiung Buissera.

King Lebanon, kilala da la reng memalen ning Bsharri a matapang ampong matapat king tribu. Particular, pikabaluan la king aliwang tonu neng magsalitang Arabu. E anti kareng aliwang dake ning Lebanon, magagamit ya pa murin ing Aramaic king Bsharri aniang malibutad na king dilanuang 1800. Uli na niti, masikan ing tonu da reng tubu king Bsharri angga pa ngeni, at pagmaragul dang mayap iti.

Aniang Gerang civil king Lebanon (1975–1990), metung yang baluarti ning pamaglaban da reng Cristiano laban king Syria ing Bsharri. Aniang 1986, i Samir Geagea, a tubu king Bsharri, megi yang pekapun ning pangimut a Lebanese Forces (LF). Dakal a kayanib ning LF ing miagiag king balen aniang gerang civil. Maralas dong amanuan a talapamingua da reng Maronite king Lebanon deng tubu king Bsharri.

Mipapaburen ya pa murin king kapamahalan ing balen, at ala yang ospital, universidad, o proyectung munie carera kareng kayang kayanakan, ania mamalis la kareng lakanbalen/ciudad ampo kareng aliwang bansa.

Ngeni, atiu ing balen king metung a labuad a dakal a turista. Mayayakit la keti deng lugal a pupuntalan dang turista, kayabe ne ing Libingan ampong Museong Gibran, ing Libis nign Kadisha, nung nu ya tinuknang i Antonios Torbey antimong ermitaniu king Hermitage of St. Lichaa king lalam king libis; ing Kadisha Grotto, ing kakeuan o kagubatan/pulung Cedro ning Dios, metugn a ski resort, ampo ing Bka'kafra (ing lugal nang kebaitan San Charbel).

Atin yang Lebanese Red Cross First Aid Center ing Bsharri.[1]. Also it is home for the "The Maronite Scouts" that started their activities early 2000. Makabasi la murin keti deng "The Maronite Scout" a migumpisa kareng karelang actividad aniang mumunang dake ning 2000.

Lon la murin

Dalerayan

Suglung palual