C. S. Lewis

Ibat king Wikipedia
Lundag ka king: pamaglibut, paintunan
C. S. Lewis
Statue of C.S. Lewis, Belfast.jpg
I C.S. Lewis king idad a 50
Obra Novelist, scholar, broadcaster
Genre Fantasy, science fiction, Christian apologetics, children's literature
Bantug a obra The Chronicles of Narnia
Mere Christianity
The Allegory of Love
The Screwtape Letters
The Space Trilogy
Till We Have Faces
Surprised by Joy: The Shape of My Early Life
Asawa Joy Davidman (m. 1956–1960) «Template:Start-dateTemplate:End-date»"Marriage: Joy Davidman to C. S. Lewis" Location:Template:Placename/adr (linkback://pam.wikipedia.org/wiki/C._S._Lewis)

I Clive Staples Lewis (29 Noviembre 1898 – 22 Noviembre 1963), a keraklan awsan dang C. S. Lewis ampong, kareng kakaluguran na ampong pamilya, "Jack", metung yang nobelista, poeta, akademiko, medievalist, kritiko king panyulat, laikong teologo (lay theologian) ampong Christian apologist ibat king Belfast, Ireland. Pikabalwan ya king kayang kasulatan a piksyon, lalu na deng The Screwtape Letters, The Chronicles of Narnia ampong The Space Trilogy, ampo reng kasulatan nang e piksyon, alimbawa ding Mere Christianity, Miracles ampong The Problem of Pain.

Matalik lang mikaluguran di Lewis ampo ing kalupa nang nobelista, i J. R. R. Tolkien. Pareu lang kayabe king pakultad ning English faculty king Universidad ning Oxford University, at pareu lang aktibu king e pormal a grupung pangkasulatan o pangliteraturang awsan dang the "Inklings". Agpang king kayang sariling talambye, ing Surprised by Joy, mebinyag ya i Lewis king Church of Ireland (kayabe king Anglican Communion) kabait na, dapot midayu ya king kayang kasalpantayanan anyang kayanakan. Uli ning impluwensiya nang Tolkien ampo reng aliwa nang kakaluguran, king idad a 32, mibalik ya i Lewis king Anglican Communion, at megi yang "karaniwan a laiko ning Church of England" (becoming "a very ordinary layman of the Church of England").[1] Malalam ing epektu ning kayang kasalpantayanan king kayang obra, at sinikat ya kareng kayang pamagsalita king radio tungkul king Kristiyanismu.

Anyang 1956, miyasawa la ning talasulat a Americanang i Joy Davidman, a mas anak kayang labing pitung (17) banwa, a mete kaybat ning apat a banwa uli ning kanser king idad a 45. Mete ya i Lewis atlung banwa kaybat ning asawa na, uli ning pamagpalya ning batu (renal failure) Mete ya paruminggu bayu ing kanam a pulu't limang banwang aldo kebaytan. Ditak mu ing pamagtutuk ning media king kayang pangamate; mete ya anyang 22 Noviembre 1963—ing aldong mebaril ya i Presidente John F. Kennedy ning Estados Unidos, at ita muring aldong mete ya naman ing metung pang sikat a talasulat, i Aldous Huxley.

Milikas la kareng maygit atlung pulung (30) deng obra nang Lewis. Ing masaling dili, ila pin deng librung bibilug king The Chronicles of Narnia at mibili la reti king entabladu, telebisyon, radio among pelikula.

Lon la murin


Bibliography

Notes

  1. Lewis 1952, p. 6.

Dalerayan

Suglung palwal

Wikisource
Ing Wikisource atin yang orihinal a obrang gewa nang o tungkul kang:
Wikiquote-logo-en.svg
Ing Wikiquote atin yang coleccion da reng sinabi nang o mesabi tungkul kang/king:

Obra ampong simpanan (archive)

Katni (Audio)

Template:C. S. Lewis