Carlos Ruiz Zafón

Ibat king Wikipedia
Carlos Ruiz Zafón

I Carlos Ruiz Zafón aniang 2008
Mibait Carlos Ruiz Zafón
Septiembri 25 1964 (idad 59)
Barcelona, Spain
Kematayan 2020
Bangsa Spanish
Panaun ning pamanyulat 1993—

I Carlos Ruiz Zafón (mibait king Barcelona, 25 Setiembre 1964) metung yang novelistang ibat Espania a manuknangan king Los Angeles manibat aniang 1993, nung nu ya pilan banuang susulat script kabang magsane ya king kayang carera anting talasulat.[2]

Ing mumuna nang novela, ing El príncipe de la niebla (Ing Principe ning ing Ulap o The Prince of Mist, 1993), sinambut ya king galal pangkasulatan a Edebé para kareng obrang pikudtang pangkayanakan a atiu king edad (young adult fiction). Talasulat de murin deng atlu pang novelang pangkayanakang atiu king edad, deng El palacio de la medianoche (1994), Las luces de septiembre (1995) ampong Marina (1999).

Aniang 2001, bilalag ne ing novelang La sombra del viento (Ing Alino ning Angin), ing mumuna nang novelang pang matua o atiu king edad, a miliun-miliun nang copia ing misali king mabilug a yatu, at maigit metung miliun king Britania mû. Manibat aniang mibulalag ya, pinuri de reng critico king mabilug a yatu ing La sombra del viento, at dakal ya simbut a galal a internacional. Mibulalag na la kareng 45 a bangsa deng obra nang Ruiz Zafón, at milikas na la kareng maigit 30 amanu. Agpang kareng bilang a reti, i Ruiz Zafón ing pekamatagumpeng talasulat a talasulat ning Espania king panaun tamu, kayabe nang Javier Sierra, a mibulalag na kareng apat a pulu't aduang bangsa, ampo i Juan Gómez-Jurado, a mibulalag na kareng apat a pulu't metung a bangsa.

Mibulalag ya ing kadua nang novelang Ruiz Zafón, ing El juego del angel, (Ing Pialung ning Anghel, aniang Abril 2008 Ing edicion a Ingles, ing The Angel's Game, a linikas nang Lucia Graves, a anak ning poetang i Robert Graves. Prequel ya king Ing Alino ning Angin, a miliari murin king Barcelona, dapot kanitang decadang 1920 ampong 1930. Tungkul ya kang (at cucuentu neng) David Martin, a metung a kayanakan a talasulat a lepitan ning metung a misteriosong tau bang sumulat libru. Balak neng yabeng Ruiz Zafón king metung a serie da reng apat a libru, kayabe ne ning Ing Alino ning Angin.[2]

Mibulalag ya ing bersion nang Ingles ning El príncipe de la niebla (The Prince of Mist, 1993) aniang 2010.

Deng Libru ning Talasulat[mag-edit | alilan ya ing pikuwanan]

Novela[mag-edit | alilan ya ing pikuwanan]

Pangkayanakan (Teens)[mag-edit | alilan ya ing pikuwanan]

Dalerayan[mag-edit | alilan ya ing pikuwanan]

Ding suglung palual[mag-edit | alilan ya ing pikuwanan]

Ing Wikimedia Commons atin yang mediang maki kaugnayan kang/king: