Cebu Normal University

Ibat king Wikipedia
Jump to navigation Jump to search

Mitatag ya ing Cebu Normal University kanitang 1902 antimong metung a escuela normal a panglalawigan, a sanga ning Philippine Normal School. Migsarili ya antimong institucion kanitang 1924, megi yang w:chartered college ketang 1976, at universidad anyang 1998. Metung ya kareng manimunang pipagaralan king Cebu nung nu dakal a byasang talaturu ampong kilalang tau ing miyari.

Kayabe la kareng miyari king CNU di Narciso Albarracin, ing meangu byeng meging Kadwang Kalihim (Undersecretary) ning Pamituru, i Hilario Davide Sr., ampo i pigkalubanan dang dangalan a National Model Filipino, ampo ing meging Pamuntuk ning Senadu ampong Chief Justice ning Kakataskatasan a Ukuman a i Marcelo Fernan. Kareng artista, i Sheryn Regis, a magkanta, miyari ya king CNU a maki cursung B.S. Secondary Education, Major in English. Kinilala ne ning universidad ing tagumpe na antimong talacanta.

Ing CNU ketang Kadwang Guerrang Pangkabilugan[mag-edit | alilan ya ing pikuwanan]

Ginamit neng headquarters ning katakutan dang Kempetai o Policia Militar ning Ukbung Pan-Imperiung Japon anyang Kadwang Guerrang Pangkabilugan ing lugal ning CNU.