Daphne Caruana Galizia
| Daphne Caruana Galizia | |
| Mibait | 26 ya ing Agosto 1964 Sliema, Crown Colony of Malta |
|---|---|
| Mete | 16 ya ing Octubre 2017 (edad 53) Bidnija, Malta |
| Kapanintunan/propesion | Talasúlat, periodista, blogger |
| Asawa | Peter Caruana Galizia (m. 1985) |
| Ának | 3 |
I Daphne Anne Caruana Galizia (26 ya ing Agosto 1964 – 16 ya ing Octubre 2017) métung yang Maltés (Maltese) a talasúlat, periodista, blogger ampóng activista laban king kapirayánan (corruption) a mánulat tungkul karéng maliliári king Malta a kilála karéng áliwang bangsâ king kayang pámag-investiga karéng Panama Papers, ampo ing milyáring pámakamaté kaya kaybat na níti kapamílatan ning pámamómba king cochí na. Ing tututúkán nang Caruana Galizia, ing pámanulat a pámag-investiga (investigative reporting), tungkul king kapirayánan king gobiernu, nepotism, patronage, ampo réng ámanuan dang money laundering,[1] ing pámiugné ning industriang online gambling ampóng organizadung crimen,[2] ing palákad ning Maltang citizenship-by-investment scheme, ampó réng súngul ibat king gobiernu ning Azerbaijan.[3] Mítikdó ya ing pambangsá ampóng internacional nang reputacion Caruana Galizia king kayang regular a pámanúlat king kamalian da réng politicong Maltese ampo réng táwu karin a makaugné king politica.[4][5]
- ↑ "Daphne Caruana Galizia", The Times (21 October 2017).
- ↑ Henley, John (19 October 2017). "Daphne Caruana Galizia: Establishment was out to get her, says family", The Guardian.
- ↑ Company in 17 Black cash trail received 'suspicious' Pilatus funds (en-gb) (30 January 2022).
- ↑ Vella, Matthew (19 October 2017). "Execution of a controversial, bold and irreverent Maltese journalist", MaltaToday.
- ↑ Leone Ganado, Phillip (17 October 2017). "Caruana Galizia: her biggest stories and the controversies", The Times of Malta.