Darius Milhaud

Darius Milhaud
I Milhaud anyang 1923
Mibait	4 ya ing Septiembre 1892 Marseille, Francia
Mete	22 ya ing Junio 1974 (edad 81) Geneva, Suiza (Switzerland)
Kapanintunan/propesion	Compositor, director ning orquesta, talaturû ​
Asawa	Madeleine Milhaud Milhaud​
Ának	1

I Darius Milhaud (4 ya ing Septiembre 1892 – 22 ya ing Junio 1974) métung yang Frances a compositor, director ning orquesta (conductor), ampóng talaturû. Kayánib ya king Les Six—ing Grupu da réng Ánam—ampóng métung karéng dakal díli óbra karéng compositor ning kadwang púlung siglu. Maki influencia ya ing jazz ampo ing musicang Brasileño (Brazilian) karéng pieza na, nung nú mayayákit ing dakal a polytonality. Tutúring déng métung karéng mánimúnang modernistang compositor i Milhaud. Métung yang kabalítan a talaturû, at dakál la reng tírú nang méging compositor a jazz ampóng clasical, kayábé la ri Burt Bacharach, Dave Brubeck, Philip Glass, Steve Reich, Karlheinz Stockhausen ampóng Iannis Xenakis, bukud karéng áliwá pa.