Deng Bunduc qng Bie

Dacal la reng bunduc tau padurutan,

busal qng libutad ing taung melalang.

Bunduc a mangatas buring nung ucyatan,

miras qng taluctuc cayang paninapan.

Cailangan sumican ing cayang catauan’

dapot pusu’t isip dapat lang maquiagnan.

Nung ing isip maina agad mitacutan,

murung at gulutan cayang capagnasan.

Nung ing pusu naman maquicapusucan,

e biasing manaya, mangilag, manimbang,

balabalaus ya qng buri nang gauan,

malamang mapile taluctuc e dasnan.