Ebus

Ibat king Wikipedia
Ebus
Larawan ning ebus (1913)
Larawan ning ebus (1913)
Kabilian a pang-konserbasiun
Scientific classification
Kaarian: Plantae
(unranked) Monocots
(unranked) Commelinids
Orden: Arecales
Familia: Arecaceae
Genus: Corypha
Species: C. umbraculifera
Binomial name
Corypha umbraculifera
L.

Ing ebus, (Corypha umbraculifera L.), talipot palm king Ingles, metung yang species ning palmang katutubu king mauling India (Malabar Coast) ampong Sri Lanka.

Metung ya kareng maragul diling palma king yatu; ating tanaman a miraras king 25 m, at deng karelang pun, miraras lang anggang 1.3 m king kapal.[1] Metung yang fan palm (Arecaceae tribu Corypheae), a maki bulung a mangaragul a at mala-palmang palmate miraras 5 m king kapal, a maki petiole a miraras 4 m, at maki anggang 130 a bulung-bulungan (leaflet).

Pekamaragul ya kumpul da reng sampaga king sanumang tanaman ing ebus, a maki kabang 6-8 m, a maki metung anggang pilang milyung mangalating sampaga, a makabili king tangkeng maki sangang lalto king babo ning pun (ing titan arum, Amorphophallus titanum, king familia Araceae, maki maragul yang diling kumpul da reng sampagang e magsanga, anti ing species a Rafflesia arnoldii ing maki pekamaragul a magdiliding sampaga). Monocarpic, ya ing ebus, misan ya mu manyampaga, potang maki edad yang 30 anggang 80 banua. Kailangan ning prutas o bungang pabanua ba yang lulut, at ing tanaman mikaka libu-libu yang bungang mabilug ampong maki kuleng dilo-aluntyan a 3-4 cm king dagul, at maki tunggal lang butul o binî. Mamamate ya ing tanaman kaybat nang memunga.

Dalerayan[mag-edit | alilan ya ing pikuwanan]

Ing Wikimedia Commons atin yang mediang maki kaugnayan kang/king: