Epicurus

Epicurus
Romanong rebultu nang Epicurus
Mibait	Febrero 341 BC Samos, Greece
Mete	270 BC (edad a manga 72) Atenas, Grecia
Kapanintunan/propesion	Filosofo

I Epicurus o Epicuro (341–270 BC) métung yang Griegong filosofo ampóng pantas a mítátag Epicureanismo, métung a ma-influenciang pipágarálan ning filosofía. Úli ning influencia da ri Democritus, Aristippus, Pyrrho, at malyáring ing Cinismo (Cynicism), lébánan né ing Platonismo king panaun na at mítátag yang saríli nang pipágarálan, a meyáus a "ing Hardin", ("the Garden"), king Atenas. Kilála ya i Epicurus ampó réng kayang talatukî a mámangan mung simpling pámangan ampó king pisasabian dang miáyaliwang paksa dikil king filosofía. Malyári lang makiábé king kayang pipágarálan déng bábáyi ampó réng alípan. Alá na lu déng kéraklan karéng maygit nang atlung dálan a óbra. Atlú na lá mú deng mítágan a súlat na —déng súlat kang Menoeceus, Pythocles, ampóng Herodotus—ampóng adwang mítípun a sinábi na—ing Principal Doctrines ampó réng Vatican Sayings—a completu, bukud karéng mangálating dáké da réng áliwá nang kasulátan. Úli ning pámanyíra da karéng óbrá na, ing kéraklan king bálu támu tungkul king kayang filosofía ibat king sinúlat da réng talasúlat kaybat ning panaún na, particular ing talasúlat talambiéng i Diogenes Laërtius, ing poetang Epicurean a Romanung i Lucretius ampó ing filosofong Epicurean a i Philodemus, ampó réng sinábi rang contra kaya dápot kéraklan tutú déng filosofong Pyrrhonist a i Sextus Empiricus, ampó ing Skéeptic ampóng mánungkúlan a i Cicero.