Francesco Sacrati

I Francesco Sacrati (17 ya ing Septiembre 1605 king Parma, Italia - 20 ya ing Mayo 1650 king Modena, Italia) métung yang Italianung compositor ning panaung Barroco (Baroque), a maki maulagang papil king múmúnang dáké ning kasalésáyan ning opera. Sínúlat ya para king Teatro Novissimo king Venecia at dudúrut nó réng kayang opera king mabílug a Italia. Ing kabalítán nang díling pieza yá pin ing La finta pazza ("Ing Mágkanwaring Babáing Mamulang", 1641), a sasabian dang múmúnang operang mípalagé king Francia (anyang 1645). Balá ra mébáting ya ing manuscrito na níting óbra, ónéng átuklasán né ning musicologong i Lorenzo Bianconi anyang 1984 ing métung a touring edition na níti. Kawángis né ning áliwá king musica ing pieza ning L'incoronazione di Poppea nang Monteverdi, at úli na níti sasabian dang atin yang dáké i Sacrati king pámaniulat king mitatágán nang dáée nítang opera.<ref>Andersen, Jillian (Summer 2012) Questions of Authorship in Josquin, Monteverdi, and Mozart: Documentary versus Stylistic Evidence. University of Puget Sound. Sound Ideas.