Freddie Mercury

Ibat king Wikipedia
Freddie Mercury

I Mercury aniang lalage ya king New Haven, CT, 1977
Background information
Lagyu pangabaitFarrokh Bulsara
Mibait5 Septiembri 1946(1946-09-05)
Stone Town, Zanzibar
PenibatanLondon, England, UK[1]
Mete24 Nobiembri 1991 (maki edad a 45)
Kensington, London, England, United Kingdom
Tinduk ning tigtig (Genre)Rock, Hard rock
KapanintunanMusician, singer-songwriter, record producer
InstrumentuVocals, piano, keyboards, guitar
Banwa nung kapilan aktibu1969–91
Marka ning talaplakaColumbia, Polydor, EMI, Parlophone, Hollywood Records
Palageng makaugneQueen, Wreckage/Ibex, Montserrat Caballé

I Freddie Mercury (mibait yang Farrokh Bulsara (Gujarati: ફ્રારુક બુલ્સારા), 5 Setiembre 1946 – 24 Noviembre 1991)[2]metung yang musiquerong Britanico, a pikabaluan dili antimong manimunang talacanta (lead vocalist) ampong talasulat canta ning bandang rock a Queen. Mekilala ya antimong makuleng lalage king entablado ampo king kayang mayupayang siuala o bosis a maki lapad (range) a apat a octave.[3][4][5] Antimong talasulat canta, dakal ya sinulat a hit para king Queen, kayabe la reng "Bohemian Rhapsody", "Killer Queen", "Somebody to Love", "Don't Stop Me Now", "Crazy Little Thing Called Love" ampong "We Are the Champions". Bukud king obra na kayabe ya ing Queen, maki carrera yang solo, at sinulat ya kareng hits antimong reng "Barcelona", "I Was Born to Love You" ampong "Living on My Own". Pamisan-misan, migsilbi ya muring producer ampong bisitang musiquero o guest musician (piano o vocals) para kareng aliuang lalage. Mete ya king bronchopneumonia a menibat king AIDS, aniang 24 Noviembre 1991, metung mung aldo kaibat nang pepabalung másakit ya kaniti.

Metung yang Parsi a mibait king Zanzibar i Mercury, at meragul ya karin ampo king India anggang libutad ning kayang panga teen-ager, at sasabian dang ya ing "mumunang Asianong rock star ning Britania".[6] Aniang 2006, pinili ne ning Time Asiang metung kareng peka ma-influenciang Asianong bayani ning milabas a anam a pulung banua,[7] at bobotu re pa murin a metung kareng maragul o mapiang diling talacanta king kasalesayan ning pangmaldang musica o popular music. Aniang 2005, agpang king pamagbotu o poll a tinikdo ning Blender ampo ning MTV2 i Mercury ing binotu rang maragul diling lalaking talacanta ning mabilug a panaun.[8] Kanitang 2009, agpang king pamagbotung penibalan ning Classic Rock ya ing binotu rang mapiang diling talacantang rock ning mabilug a panaun.[9] Aniang 2008, pinili de reng talapatuntun ning Rolling Stone, kalabing walu ya (18) king tala o listaan da reng dinalan a pekamapiang talacanta ning mabilug a panaun.[4] Agpang king Allmusic i Mercury ing "one of the most dynamic and charismatic frontmen in rock history."[10]

Discography

Notes

a) ^  King katibayan ning pangabalit (birth certificate) nang Mercury,[11] sinulat da reng pengari nang "Nationality: British Indian" ampong "Race: Parsi". Deng Parsi lahi lang ing menibatan kareng Persian king Indian subcontinent a tutuking king relihion a Zoroastrianism.
b) ^  Ing familia Bulsara ikua na ing kayang lagiu king Bulsar, metung a lakanbalen o ciudad ampong distritong ngeni kayabe king estado ning Gujarat at maki oficial a lagiung ngening Valsad. Aniang kalabingpitung dilanua o siglo, metung ya ing Bulsar kareng limang centro ning relihion a Zoroastrian (deng lima pang aliua atilu mu naman king ngeni Gujarat na) ania pin dakal lang Zoroastrian a maki pilidung "Bulsara".
c) ^  Linage ya naman king sarili na i Mercury king palageng kikimut o animated show a Cromartie High School antimo ing tauan a i Freddie, ampo king palage king Channel 4 ning Britania a House Of Rock kayabe la ri Marc Bolan, John Lennon, Notorious BIG, John Denver ampong Kurt Cobain.

References

  1. Highleyman 2005.
  2. Freddie Mercury (real name Farrokh Bulsara) Biography. Inout Star. Retrieved on 11 July 2010.
  3. Dance: Deux the fandango.
  4. 4.0 4.1 RollingStone.com – 100 Greatest Singers of All Time Archived Disyembri 7, 2010 at the Wayback Machine.
  5. The Great British Battle of the Bands.
  6. Cite error: Invalid <ref> tag; no text was provided for refs named Januszczak_1996
  7. Cite error: Invalid <ref> tag; no text was provided for refs named Fitzpatrick_2006
  8. list of Blender and MTV2's "22 Greatest Voices" (archived at www.amiannoying.com).
  9. Classic Rock, "50 Greatest Singers in Rock", May 2009
  10. Thomas, Stephen. Queen biography. Allmusic. Retrieved on 11 July 2010.
  11. "Linda B" 2000.

Notation done in Scientific Pitch, and thus is written one octave lower than what is displayed here.

Bibliography

External links

Ing Wikimedia Commons atin yang mediang maki kaugnayan kang/king:
Ing Wikiquote atin yang coleccion da reng sinabi nang o mesabi tungkul kang/king:

Template:Freddie Mercury Template:Queen