Georges Braque
| Georges Braque | |
 Braque, 1908, létrátung míbulalag king Burgess, "The Wild Men of Paris", Architectural Record, Mayo 1910 | |
| Mibait | 13 ya ing Mayo 1882 Argenteuil, Val-d'Oise, Francia |
|---|---|
| Mete | 31 ya ing Agosto 1963 (edad 81) Paris, Francia |
| Libingan | L'église Saint-Valery, Varengeville-sur-mer, Normandy |
| Kapanintunan/propesion | Mamintura, gugulis, magdukit, maglimbag |
I Georges Braque (13 ya ing Mayo 1882 - 31 ya ing Agosto 1963) métung yang mánimúnang Frances a pintor, collagista, dibuhante, talaimprenta ampóng escultor ning kadwang púlung síglu. Mégí lang pékamaulaga nang ambag déng géwa na kayabé la reng talatukí ning Fauvismo manibat 1905, ampó ing papil na king pámisúlung ning Cubismo. Manibat 1908 anggang 1912, míyugné ya ing óbrá na kang Pablo Picasso. Masákit lang piyaliwá déng obrá da anyang múmúna, ónéng mítakpan yang bagyá ing tahimik a i Braque king kasikátán nang Picasso.[1]