Google Street View

Ibat king Wikipedia
Jump to navigation Jump to search
Google Street View
Deansgate St John St.png
Metung a cantu king Manchester, Inglaterra (England), nung nu la makalto deng 9 a angulo.
Mumunang pamagpalualMayu 25, 2007 (2007-05-25)
Pekatauling pecha ning pamagpalual:
2009-11-09; 9 banua ing milabas
Lugal a miragdag:
Lugal king Mexico, Espania, Netherlands ampong Estados Unidos
Ating bersion kingIngles, Castila, Frances
Karinan king Aptas (Website)Google Maps

Ing Google Street View metung ya kareng bageng yampang ning Google Maps ampo ning Google Earth a babie bista o pamagbationg (views) 360° a pakera (horizontal) ampong 290° patikdo (vertical) a maleparan (panoramic) ibat king dane da reng puestu king dalan (manga metung balang 10 o 20 metru) para kareng dakal a dalan king yatu, ibat king kátas a 2.5 metru. Inumpisan de aniang Mayo 25, 2007, at bagia bagia, miragdagan la reng kayabeng lakanbalen o ciudad, at kareng lakanbalen a reti, karagdagan a dalan, bukud kareng lugal a marangle.[1] King salukuyan, ating larawan para king Estados Unidos, United Kingdom, Czech Republic, Francia, Italia, Mexico, Netherlands, Portugal, Espania, Suiza, Canada, Japan, Taiwan, Australia, ampong New Zealand. Maliari palto ing pangayabe (coverage) kapamilatan ning pamag-drag king "pegman" ibat king kayang puestu, papunta king mapa ning sanu mang sukad.

Ing kukua kareng papakit nang larawan ning Google Street metung yang grupu da reng coching Chevrolet Cobalt, Saturn Astra o Toyota Prius king Pangulung America, Opel Astra king Europa, Holden Astra king Australia ampong New Zealand, Toyota Prius king Japan, Fiat Stilo king Brazil, [[Toyota Vitz|Toyota Yaris]king South Africa [2] ampong Pontiac G5 king Mexico.[3] Mapaliaring e la kayabe deng daralanan da reng taung lalakad (pedestrian areas), mangakitid a dalan ampong esquinita da reng parque a e ra aluban deng cochi. Nanupata, neng kai, gagamit lang Google Trike (tricycle).[4] King balang metung kareng coching deti (ampo reng tricycle) ating siam a directional camera para kareng pamagbationg 360°, GPS para king ustung pamagpuestu, atlung laser range scanner, a gewa ning SICK, para king pamaniukad angga king 50 metru 180° king arap ning saken. Atin muring 3G/GSM/Wi-Fi antenna kareng cochi para king pamag-scan 3G/GSM ampong Wi-Fi hotspot.[5] Bayu-bayu pamu, makabasi la reng matas kalinawan a larawan (high quality images) kareng open source hardware camera ibat king Elphel. Gagamitan na la murin ning Google book search deng camerang deti.[6]

Nung maliari, lalto la reng larawan ning mayayakit king dalan lagpus king pekamatas a level ning pamag-zoom kareng mapa ampong letratung satellite, ampo kapamilatan ning pamg[drag king "pegman" king metung a puestu. Kapamilatan ning keyboard o mouse, maliari yang pilinan ing direccion ning pamaglaweng pakera ampong patikdo, at pati ing zoom level. Papakit ne ning matulid o maki patad (broken) a gulis king letratu, maliari yang akit ing mitantiang delanan ning coching maki caera; ating aduang arrow o paslung makasuglung king tutuking letratu king balang metung a direccion. Kareng salapungan dalan (junction) ampong lilipatan (crossings) kareng daralanan da reng coching maki camera, mas dakal la reng paslu.

Aniang Noviembre 21, 2008, miragdag ya ing Street View king Maps application a maka-install kareng anggang Apple iPhone. Kanitang Diciembre 10, 2008, miragdag ya ing Street View king Maps application para king S60 3rd Edition. Miragdag ya murin ing Street View kareng bersion ning Google Maps para king Windows Mobile ampong BlackBerry. Miyabe ya murin ing Street View kareng anggang bersion ning Google Maps para king Android, at maliari yang gamitan ing digital compass bang lumawe king paligid da reng lugal.

Lon la murin

Notes

Suglung palual

Commons-logo.svg
Ing Wikimedia Commons atin yang mediang maki kaugnayan kang/king: