Gregor Mendel
| Gregor Mendel | |
 | |
| Mibait | 20 ya ing Julio 1822 Heinzendorf bei Odrau (Hynčice), Silesia, Imperio ning Austria (ngéni Republica Checa) |
|---|---|
| Mete | 6 ya ing Enero 1884 (edad 61) Brno, Moravia, Austria-Hungria (Austria-Hungary, ngéni Republica Checa) |
| Kapanintunan/propesion | Biólogo (biologist), meteorólogo (meteorologist), matemático, fraile ampóng abad (abbot) |
I Gregor Johann Mendel (20 ya ing Julio 1822 – 6 ya ing Enero 1884) métung yang Aleman-Checang biólogo (biologist), meteorólogo (meteorologist), matemático (mathematician), fraile ampóng abad (abbot) ning Abadía nang Santo Tomas St. Thomas' Abbey king Margraviar ning Moravia. Míbait ya i Mendel king métung a familiang mágsalitang Aleman king Silesia, a a dáké ning Imperio ning Austria (a ngéni atiu king Republica Checa (Czech Republic), at anyang mété né, mékilala ya antimóng talatátag ning makabáyung ciencia ning genética (genetics).[1] Agyáng pilan da nang líbung banwang bálú déng ortelánung ing pámagcasta karéti malyari nóng pasikanan déng calidad o tandang páintunan da, úling karéng experimentú nang Mendal karéng gisantis, a milyári kanítang pílatan ning 1856 ampóng 1863, mítikdó la déng pátakaran ó tuntúnan ning pámamulî ó pámagmána, a áusan da nang Mendelian a batas ning pámagmána.[2]
- ↑ (2013) Solitude of a Humble Genius – Gregor Johann Mendel. Volume 1, Formative years. Berlin: Springer, 91–103. ISBN 978-3-642-35254-6. OCLC 857364787.
- ↑ Schacherer, Joseph (2016). "Beyond the simplicity of Mendelian inheritance" (in en). Comptes Rendus Biologies 339 (7–8): 284–288. doi:. PMID 27344551.